DILI, STLTIMORLESTE.com – Tuir Komunikadu Impresa neebe STL asesu husi Media F-FDTL katak, Xefe Estadu Maior Jenerál FALINTIL-Forsa Defesa Timor Leste (F-FDTL), Tenente Jenerál Domingos Raul “Falur Rate Laek”, ohin simu vizita husi delegasaun Forsas Armadas Estadus Unidus Amerika.
Iha loron Kuarta nee (05/08/2026) iha Kuartel Jenerál F-FDTL Fatuhada, Díli, Xefe Estadu Maior Jenerál FALINTIL-Forsa Defesa Timor Leste (F-FDTL), Tenente Jenerál Domingos Raul “Falur Rate Laek” hasoru malu nee ho objetivu atu halo despedida entre Adjunto Adidu Defeza Estadus Unidus Amerika nian, Major Bernard O CORTES, tanba nia mandatu iha Timor Leste remata ona. Iha tempu hanesan, introdus mos Adjunto Adidu Defeza foun, Tenente Ali QUERO, neebe sei kontinua halao knaar nu’udar reprezentante Defeza Estadus Unidus Amerika nian iha Timor Leste.
Durante enkontru nee ho Xefe Estadu Maior Jeneral F-FDTL, hatoo parabens no agradese ba Major CORTES bá servisu diak neebe halo durante nia misaun iha Timor Leste. Nia mos dezeja boa viajen no susesu ba nia bainhira fila ba estadus Unidus Amerika.
Entertatu iha oportunidade hanesan, Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál Domingos Raul “Falur Rate Laek” mos simu ho diak Adjunto Adidu Defeza foun, Tenente QUERO, no hatoo esperansa atu kontinua hametin relasaun kooperasaun no amizade entre F-FDTL no Forsas Armadas Estadus Unidus Amerika iha futuru.
(jen)
