DILI, STLTIMORLESTE.com – Prezidente Republika (PR), Jose Ramos horta kondekora orden Timor Leste ba eroi joven sira, defensor publiku, sidadaun nasional no internasional sira iha okaziaun aniversariu restaurasaun independensia ba dala 24.
Iha okaziaun Aniversariu Restaurasaun Independensia Timor Leste nian ba dala 24, Prezidente no Ramos-Horta, kondekora Orden Timor-Leste ba sidadaun nasional no internasional sira tuir dekretu tolu husi Prezidente Republika. Kondekorasaun sira neebe halao iha Palasiu Prezidensial Nicolau Lobato, Tersa (19/05/2026), rekonhese sira nia kontribuisaun estraordinariu ba luta libertasaun nasaun nian, konsolidasaun estadu direitu no dezenvolvimentu nasional.
Tuir Dekretu Prezidente Republika Nº.54/2026, Prezidente Ramos-Horta kondekora Kolar Orden Timor-Leste no Sertifikadu Rekonesimentu ba João da Silva “Choque”, Abilio Mesquita “Dalas” Nuudar rekonesimentu ba sira-nia korajen, kompromisu, no espíritu rezistensia nuudar líder juventude durante luta libertasaun nasional, sai nuudar pilar fundamental ba alkansa Timor-Leste nia independensia. Povu Timor-Leste hetan benefísiu husi sakrifísiu no esforsu sira neebe jerasaun ida-nee halo durante tinan sira rezistensia nian, no ohin loron, balun kontinua kontribui ho ativu ba dezenvolvimentu nasional. Sira nia kontribuisaun ba Patria merese rekonesimentu no valorizasaun husi Estadu.
Tuir Dekretu Prezidente Republika No. 55 /2026, Prezidente Ramos-Horta kondekora Orden Timor Leste nian iha kategoria Kolar, Medalla, no Insígnia, inklui Medalla Meritu no Medalla Solidariedade ba sidadaun nasional no internasional ba sira-nia kontribuisaun ba dezenvolvimentu nasional. Kondekoradu sira mak Kolar Orden Timor-Leste ba Kusni Sulang, Carlos Alberto Martinho de Jesus, Adão Soares Barbosa
No Kolar Orden Timor-Leste (Postumu) ba Saudozu Prof. Dr. Lucas da Costa “Rama Metan no Medalla Orden de Timor-Leste ba Brigadeiro Reformado Neville John Reilly, Senior Inspector Reformado Ray Leslie Sutton, Dr. Salustiano Dos Reis Piedade, Dr. Estanislau de Sousa Saldanha, Dr. Manuel Florencio de Canossa Vong, Dra. Carla Alexandra de Jesus da Costa, Dr. Joao Muni, Dr. Alvaro Menezes Amaral, Dra. Aderita Mariana Takeleb Dos Santos, Dra. Teresa Freitas Belo, Dra. Belandia da Costa Graciana, Dr. Domingos Maria B. Barreto, Dr. Edio da Costa, Dr. Nazario Gomes, Dr. Francisco Cosme de Sousa Gama, Dr. Natalino Fonseca Da Silva Guterres, Dr. Helio Brites da Silva, Rudy Yanto / Rudy Yanto Kwan, Jose Januario dos Reis Costa, Edio Saldanha Borges, Luis Bernardo Gamboa, Francisca Maia Gonçalves No Insígnia Orden Timor-Leste ba Kristina Ruth Webb, Nandy Gurr, Simon Benedict Fenby, Fiona Jane Hamilton, Chen Lisong, Jose M.S. Turquel de Jesus.
No Medalla Meritu ba Jude Comway, Vaughan Williams, Stuart Highway, Francisca Gonçalves no Medalla Solidariedade ba Darren Boyd-Skinner, Dominic Zappavigna, Connor Bruce, Wayne Bruce, Matthew Carpenter, Mark Dalton, Julie Horgan, Julie Mitchell, Daniel Wall, Renee Wilson, Christopher Yow.
Kondekorasaun hirak-nee rekonese sira-nia servisu inkansavel hodi favorese povu Timor-Leste iha setor oioin husi dezenvolvimentu nasional, tantu iha Timor-Leste no mos iha nivel internasional.
Tuir Dekretu Prezidente Republika Nº.56/2026, kondekorasaun ho Orden Timor-Leste no Sertifikadu Rekonesimentu atribui ba Defensor Publiku sira neebe halao funsaun ba povu Timor-Leste nia diak durante dezenvolvimentu nasional. Kondekoradu sira maka Kolar Orden Timor-Leste ba Dr. Sergio de Jesus Fernandes da Costa Hornai, Dr. Câncio Xavier, Dra. Olga Barreto Nunes, Dr. Manuel Sarmento, Dra. Marcia Maria Filipe Sarmento, Dr. Sebastião Amado Nheu Ribeiro de Almeida, Dr. Fernando Lopes de Carvalho.
Medalla da Orden de Timor-Leste ba Dr. Marçal Mascarenha, Dr. Sergio Paulo Dias Quintas, Dra. Laura Valente Lay, nomos Medalla da Orden de Timor-Leste (Postumu) Saudozu Dr. Rui Manuel Guterres.
Kondekorasaun hirak-nee rekonese sira-nia kompromisu, dedikasaun, no sentidu misaun neebe aas nuudar Defensor Publiku, hodi garante asesu ba justisa ba ema vulneravel sira no hametin Estadu Direitu Demokratiku. Enkuantu nasaun prepara hodi selebra Aniversariu Restaurasaun Independensia ba dala 24,
Prezidente Ramos-Horta halo reflesaun kona-ba signifikadu husi onra hirak nee hateten “Iha ita-nia Aniversariu Restaurasaun ba Independensia ba dala 24, ita fo onra ba hirak neebe sira-nia dedikasaun sai hanesan fundamental iha ita-nia viajen, husi joven rezistensia sira neebe arriska buat hotu ba Timor-Leste nia libertasaun, too defensor publiku sira neebe garante justisa too ba sira neebe kiak liu iha ita-nia leet no ba ita-nia sidadaun nasional no internasional neebe hamriik hamutuk ho ita iha ita-nia momentu susar no kontinua lao hamutuk ho ita too ohin loron. Imi mak pilar moris husi ita-nia nasaun. Imi-nia kurajen no serbisu olektiva hodi hametin ita-nia demokrasia, haburas dame, no harii baze futuru ida-neebe dignu ho sakrifísiu barak neebe sira halo ona,” Katak Horta.
Kondekorasaun sira neebe atribui iha okaziaun Aniversariu Restaurasaun Independensia Timor-Leste nian ba dala 24 rekonese laos deit eroízmu pasadu maibe mos kompromisu kontínuu ba dezenvolvimentu Timor Leste nian. Kondekoradu sira nia kontribuisaun iha setor justisa, sosiedade sivíl, kooperasaun internasional, no solidariedade fo benefísiu diretamente ba sidadaun Timor-oan sira enkuantu fortalese instituisaun demokratiku nasaun nian. Sira-nia ezemplu sai hanesan inspirasaun ida neebe dura bainhira Timor-Leste kontinua harii futuru ida neebe justu, prosperu no soberanu.
(eme)
