DILI, STLTIMORLESTE.com – Deputadu sira husi Komisaun D iha Parlamentu Nasional halo audensia ho Prezidente Republika, Jose Ramos Horta.
Bainhira remata hasoru malu, Vise Prezidente D, Trata Asuntu Ekonomia no Dezenvolvimentu iha Parlamentu Nasional, Manuel Noronha ba jornalista sira iha Palasiu Prezidensial Nicolau Lobato, Bairo Pite, Kinta (09/04/2026) hatete, antes mai hasoru Prezidente Republika sira halo uluk ona audensia ho eis Titulares sira seluk.
“Ohin ami Komisaun D hanesan Vise Prezidente ho kolega deputadu sira, sekretaria mai halo audensia ho Prezidente Republika kontinuasaun kontinuasaun horseik ami hasoru Eis Primeiru Ministru, Marí Alkatiri relasiona ho alterasaun lei numeru numeru 12/2017 kona-ba organizasaun funsionamentu administrativa parlamentar. Ho razaun ida nee tanba ita mai husu opiniaun husi ita nia eis titular husi eis Prezidente Republika, eis Primeiru Ministru, no mos Prezidente atual, Primeiru Ministru atual oinsa mak sira nia opiniaun, hanoin ruma kona-ba Konsellu Konsultivu neebe durante nee estabelese iha primeiru governasaun too agora maibe la ativu,” dehan Visi Prezidente.
Visi Prezidente hatete, ho ida nee mak iha hanoin ruma atu halo alterasaun, maibe presiza opiniaun hanoin diak ruma atu estabelese fila fali Konselhu ida nee, ka atu muda konselhu ida nee.
“Hanesan horseik mos ita hetan informasaun diak husi Eis Primeiru Ministru, Marí Alkatiri opiniaun la dook malu ho ita nia Prezidente Republika atual fo hanoin mos katak, Konsellu Konsultivu ida nee bele ka labele halakon, ita muda deit nia maneira oinsa mak atu bele asegura konselhu ida-nee ho diak,” katak nia.
Iha hasoru malu Prezidente Republika Jose Ramos Horta hatete, se bele karik Konselhu Konsultivu ida nee mantein, maibe presiza haree ema ida neebe mais tekniku iha esperiensia diak, nunee bele hatama iha Konsellu Konsultivu nee hodi bele halo koordena ho eis titular sira bele apoiu total ba fundu petroliferu neebe agora daudauk iha.
Nia hatutan, bainhira remata hasoru malu ho Prezidente Republika Deputadu sira sei ba hasoru Eis Primeiru Ministru, no Eis Primeriu Ministru, Taur Matan Ruak, depois sei hasoru Primeiru Ministru Kay Rala Xanana Gusmão, nomos Eis Prezidente Republika, Francisco Guterres Lu Olo.
(eme)
