DILI, STLTIMORLESTE.com – Koamandante Jerál (KomJer) Polisa Nasional Timor Leste (PNTL), Komisáriu Asisténte Polísia Afonso dos Santos fo ona orientasaun ba DSIK no Servisu informasaun Polísia buka tuir hodi desmantela atividade ilísitu jogu online Scaming Call Center iha Timor Leste (TL).
“Orientasaun Komandante Jeral ba DSIK no Intelejensia nian atu duni tuir, atu buka tuir, atu kombate, atu kaer, neebe orientasaun neee ami simu klaru, la fo fatin ba krime organizadu atu eziste iha TL,” hatete Diretór Servisu Investigasaun Kriminál (DSIK), Superintendente Xefe Polísia Joao Belo dos Reis ba jornalista sira liu husi Konferensia imprensia iha Komando Jeral PNTL, Dili, Kuarta (15/07/2026).
Nia dehan, Komandante Munisípiu hotu-hotu kontrola atu haree no identifika depois komunika ba nasional para halo intervensaun ba jogu online Scaming call Center.
“Hau hanoin ida nee problema nasaun. Problema nasaun ita tenke responde ho koletivu, labele haree servisu nee DSIK nian ou PCIC nian ou Tribunal nian, mas tenke responde ho koletivu tanba aban bain rua ita labele sai hanesan fatin baze ba krime organizadu, ida nee atu eziste iha ita nia nasaun,” nia Informa.
Nia husu ba ema hotu atu hamutuk kombate krime jogu online Scaming.
“Ita agora tama maibe parte hotu-hotu neebe mak relasaun ba asuntu ida nee mai servisu hamutuk para ita bele kombate krime ida nee”, nia deklara.
Nia informa, durante nee Polísia halo identifiksaun ba suspeitu sira ba prátika Scamming Call Center inklui ba operador sira Telkomsel no operadór telekomunikasaun mai halo justifikasaun tanba saida produs Sim Card barak hanesan nee ba kompanhia ida neebe lao hela.
“Agora moris operandi neebe sira agora uza telefone sira neebe mak sira iha la uza ona Sim Card, nee modus operandi foun,” nia esplika.
João Belo deklara, mosu operasaun neebe suspeitu sira ba kazu Scaming Call Center uza laos ona uza elefone sira neebe mak ita preende la uza ona Sim Card, iha laran laiha.
“Sira direta ba Starlink, komunikasaun nee sira uza nee hanesan, buat ida neebe mak sira nia evolusaun ba krime ida nee loron ba loron aumenta, neebe ita nia konhesimentu, ita nia prosesu investigasaun mos tenke eleva ho sira nia teknolojia neebe sira iha”, nia hatutan.
Diretór Servisu Investigasaun Kriminál nee hateten, nia halo ona enkontru ida ho Diretór ANC koalia ona konaba asuntu ida nee para bele kontrola Starlink tama Timor rejistu oinsa ema bele hetan lisensa, “Ida nee ita koalia daudaun para ba futuru bele regulariza”, nia relata.
Hatan konaba durante nee polísia halo operasaun hodi asegura no detein suspeitu sira karik durante investigasaun nee polísia identifika iha Timor oan balun envolve iha laran, João Belo hateten nia lakohi koalia ida nee.
“Hau labele koalia ida nee. Deskulpa ida hanesan fora oituan tanba ita servisu prosesu investigasaun lao hela, hau temi fali ida nee, ida neeba ladun diak. Neebe saida mak maluk sira públika ho ita boot sira nia maneira, mas hau kaer nafatin segredu Justisa nian,” nia koalia.
Nia hatutan, autor ba kazu neebe envolve Scaming call Center nee polísia hanesan halo parseiru sira neebe iha esperiénsia diak hatene motivu iha krime ida nee nian iha pasadu sira mos iha esperiénsia atende kazu sira hanesan nee husu sira nia apoiu no depois krime ida nee, katak nia hun nee mai husi nasaun ida neebe.
“Ho publikasaun neebe media durante nee hasai ita hatene ona mai husi neebe, sedu ou tarde ita sei aprezenta ba Tribunál. Ba kazu Scaming call center no cyber Crime investigasaun hotu-hotu Diresaun Servisu Investigasaun mak sei kaer”, afirma.
(jen)
