DILI, STLTIMORLESTE.com – Husu ba governu oinsa mak atu kria empregu ba joven neebe mak remata ona sira nian estudu iha ensinu superior.
Haktuir João de Jesus Moniz hanesan joven iha suku Bairo Pite ba STL iha nia hela fatin Bairo Pite, Kuarta nee (13/05/2026).
“Realidade ita menus empregu iha rai laran, ami joven barak neebe remata ami nian estudu ho area ida-idak nian neebe Mak la hanesan, barak too agora sai dezempregu, tanba ita menus empregu iha rai laran, tanba nee husu atu ita nian governu bele kria empregu ba joven neebe mak remata ona sira nian estudu,” nia dehan.
Tuir Joao, ho empregu neebe menus, ema barak sai ba srvisu iha rai liur, maibe barak mak iha rai laran too agora seidauk hetan servisu, dala ruma balun remata estudu, depois ba tuir fali kursu lingua ninia, too balun tuir teste ruma la liu, balun deit mak liu, tanba buat sira nee depende ba sorti deit.
Iha fatin seluk, Diretor Ezekutivu TLCE, Jose Monteiro dehan, los duni too agora graduadus barak mak seidauk hetan servisu no balun ba servisu iha rai liur, tanba iha rai laran nee menus kampu servisu, tanba ho kampu servisu neebe mak menus, halo graduadus barak sai ba servisu iha rai liur.
“Los duni too agora ita nian graduadus barak mak seidauk hetan servisu no balun ba servisu iha rai liur, tanba iha rai laran nee menus kampu servisu, tanba ho kampu servisu neebe maka menus, halo graduadus barak sai ba servisu iha rai liur,” nia afirma.
Nunee mos Reitor ISC, Sebastiao Perreia dehan, universidade prepara deit ema, agora liga ba menus kampu trabalhu nee governu mak bele loke kampu servisu ba graduadus hirak neebe hotu ona estudu iha universidade, bainhira too tinan termina ona, nee sira hahu halao graduasaun.
(jac)
