DILI, STLTIMORLESTE.com – Bainhira eskola sira la hatama relaroriu ba konsesoins 2024 nian, mak osan konsesoins ba tinan 2025 nian sei la tama iha konta bankaria eskola idak-idak nian.
“Kona-ba osan konsesaun eskolar ba tinan 2025 nian seidauk tama, maibe dehan fila fali ba eskola sira neebe mak sira nian relatoriu konsesoins 2024 nian nee tanba atraza, nee duni sira neebe mak kompletu ona hatama relatoriu 2024 nian, nee sira iha direitu para ba cek sira nian osan, maibe ba sira neebe mak seidauk hatama relatoriu, sansaun ida mak konsesoins sei la tama iha konta bankaria eskola nian,” dehan Diretor ESJ nu 4 Setembru Balide, Sergio A. da Cruz ba STL iha nia knaar fatin Balide, Segunda nee (10/03/2025).
Nia hatutan, nuudar dirijenti pesoalmente bele dehan, ida hanesan nee diak liu, atu nunee dirijenti husi kada eskola nee oinsa mak halo sira nian jestaun ida neebe mak diak, bazeia ba data sira neebe mak termina husi ME, atu nunee eskola idak-idak tenke hatama sira nian relatoriu kona-ba konsesoins 2024 ninian.
“Eskola 4 Setembru iha primeiru no segundu periodu nian hatama ona, agora ikus ninia nee mak agora hau foin atu lori ba, bainhira hatama tiha ona ba iha nasional, buat hotu los ona, entaun iha direitu bele ba cek iha konta bankaria, osan konsesoins nee mos depende ba numeru estudantes neebe mak iha,” dehan nia.
Iha fatin seluk, Diretor EBC Manleuana, Carlos Correia dehan, konsesoins ba tinan nee too agora seidauk tama, maibe relatoriu ba tinan 2024 ninia husi eskola hatama tiha ona ba iha Ministeriu Edukasaun, maibe osan mak seidauk sai.
(jac)
