DILI, STLTIMORLESTE.com – Durante nee publiku balu preokupa kona-ba keixa anonimu neebe hatoo ba iha Prokurador hodi produs akuzasaun, serake keixa anonimu bele halo akuzasaun ba ema.
Iha akuzasaun kazu balu tau ema TIR no arguidu ho deit keixa anonimu surat kalen, surat kalen bele akuza ema, no fim ema nee livre faktus la sufisiente nee mos injustisa,” dehan Visi Ministru Asuntu Parlamentar, Aderito Hugo da Costa ba jornalista sira, bainhira hatoo diskursu iha Aniversariu KAK bá dala 15 iha Farol, Sesta (21/02/2025).
Nia hatete, injustisa mos ba ema neebe simu ona TIR durante tinan 5 laiha julgamentu, injustisa mos ema neebe iha prizaun preventiva too tinan.
Iha fatin hanesan, Prokurador Jeral da Repulika, Alfonso Lopez dehan, denunsia anonimu kuandu tama labele taka, tenke halo investigasaun.
“Balu denunsia anonimu la tau naran no denunsia anonimu mai Ministeriu Publiku ita labele taka tenke loke,” dehan Alfonso.
Nia hatutan, kazu ida atu akuza tenke liu husi prosesu investigasaun, se konsidera indisiu krimi rejista no halo investigasaun labele siik deit no halo investigasaun profunda.
(ter)
