DILI, STLTIMORLESTE.com – Lider Rejional sira diskute auto konfiansa estratejiku iha futuru ASEAN nian, no hametin parseria rejional iha ASEAN.
Prezidente Republika, Jose Ramo Horta hamutuk ho diskusaun painel ho perfil aas iha Forum Futuru ASEAN nian ba dala-2 hamutuk ho Primeiru Ministru Vietnam, Pham Minh Chinh, Primeiru Ministru Malazia, Anwar Ibrahim, no Primeiru Ministru Nova Zelandia, Christopher Luxon. Sesaun neebe inklui Q&A moderadu, sentradu iha auto-konfiansa estratejiku, rezilirnsia no hametin parseria rejional sira iha Sudeste Aziatiku.
Tuir komunikadu neebe STL asesu husi media PR, Kinta nee (27/02/2025) hatete, iha enkontru nee Primeiru Ministru Vietnam sublina katak, kreximentu ekonomiku forma fundasaun ba auto-konfiansa, enkuantu destaka identidade no prezervasaun kultural hanesan forsa sentral nasaun sira nian.
Primeiru Ministru Malazia, Anwar Ibrahim foka ba dijitalizasaun no dezenvolvimentu semikondutor sira, hodi nota investimentu signifikativu sira husi Alemanha, EUA no Xina, enkuantu rekonhese mos eselensia Vietnam nian iha agrikultura no intelijensia artifisial ho kualidade aas.
Líder rua nee sublina importansia husi formasaun teknika no abordajen kolaborativu sira iha ASEAN nia laran, ho PM Ibrahim hatudu katak bloku rejional, iha tempu badak sei inklui Timor Leste reprezenta forsa koletiva ida ho ema millaun 700 resin.
Iha momentu ida neebe kmaan liu, Primeiru Ministru Ibrahim hanoin hikas momentu ida kona-ba Prezidente Ramos Horta neebe husu beibeik kona-ba eis-Sekretáriu Jerál ONU, Kofi Annan nia moris diak. Bainhira husu kona-ba nia deklarasaun anterior katak “tama ba lalehan susar liu duke ASEAN.
Prezidente Republika Ramos Horta reflete kona-ba nia esperiensia sira ho ASEAN hahu hosi tinan 1974, hodi deskreve oinsa vizita dahuluk ba Jakarta, bainhira Prezidente hela iha fatin akomodasaun kiik sira ho deit otel boot rua iha sidade, kontrasta maka’as ho ekonomia ASEAN nian neebe vibrante ohin loron.
Prezidente Republika Ramos Horta fahe mos nia konversa ho Primeiru Ministru Singapura nian hosi dékada rua liuba, neebe fo hanoin katak Timor Leste tenke foka liu ba dezenvolvimentu rekursu umanu molok adere ba ASEAN.
Konklui nia intervensaun, Ramos Horta ho komiku nota katak haree ba dokumentu barak neebe presiza ba adezaun ASEAN nian, karik tama iha lalehan bele sai fasil liu.
(eme)
