DILI, STLTIMORLESTE.com – Ministru Administrasaun Estatal, Tomas Cabral avizu ba publiku katak komunidade sira neebe hakarak tuir votasaun eleisaun prezidensial iha Dili agora bele muda kartaun eleitoral, labele besik mak halai ba mai.
Ministru Administrasaun Estatal, Tomas Cabral hatoo kestaun nee ba jornalista bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Tersa (05/05/2026).
Ministru hatete, kada tinan sempre aviza bebeik ba komunidade sira katak, se mak hakarak tuir votasaun iha Dili antes bele muda ona nia eleitoral nunee too eleisaun labele halai ba mai.
“Tinan tinan ema aviza hakarak vota iha Dili ba muda kartaun eleitoral ita lakohi, o muda tiha o nia eleitoral vota hotu fila fali ba o nia rai ita lakohi hein hotu ida ikus, hau aviza kedas iha nee estuante ka funsionariu semak hakarak vota iha Dili loron kuandu STAE loke bele ba muda ba suku iha neebe vota hotu bele fila fali ba o nia rai mais hau nia sujestaun mak nee ita atu avansa ba eleisoens Munisipais selae ita influensia lista deputadu munisipais,” dehan Ministru Administrasaun Estatal.
Ministra hatete Lista deputadu Munisipais husi 13 ate 19 munisipiu tolu 13 deit, munisipiu 19 nee Dili deit balun 15.
“Ita mobiliza ita lori malu ba iha neeba ita vota ba sira iha neeba ita bele manan numeru vota, ama sira hela hotu ermera lalin malu ba ermera kandidatu neeba manan depois vota hotu fila fali mai entau votus nee la akompanha ona prosesu,” katak nia.
Nia hatete iha hasoru malu Prezidente Republika Jose Ramos Horta mos koalia assuntu nee no Prezidente sei marka data eleisaun prezidensial tinan oin maibe materia nee sei haree didiak.
“Dala ida tan hau dehan materia ida nee ita tenke haree didiak selae too ikus STAE mak sala ou makina ida vota nee maki mi stel tiha ona ka? Kuidadu ida nee tanba vota eletronik, vota dala ida kuandu sala nee sala ona labele vota tan no labele husu segundu via nee ita tenke tetu pois buat nee tenke haree ema komprende kalae? Ida nee tenke sosializa ba hau, hau deit mos la komprende hau uluk kedas diretor akompanha mais hau ladun komprende Portugal rasik mos lahalo CPLP nee so brazil deit,” katak MAE.
Nunee mos liga ho kartaun eletronik dadaun nee porsentu hira ona hatan ba kestaun nee Ministru hatete ida nee Diretor STAE mak hatene tanba IP ona.
(eme)
