DILI, STLTIMORLESTE.com – Malazia reafirma nia kompromisu atu apoiu Timor Leste (TL) nia adezaun iha Asosiasaun Nasaun sira Sudeste Aziatiku.
Primeiru Ministru Malazia, Anwar Ibrahim hatete, Malazia nia apoiu ba Timor Leste nia integrasaun tomak ba ASEAN.
Informasaun hirak nee hatoo bainhira Prezidente Republika, Jose Ramos Horta hasoru malu ho Primeiru Ministru Malazia, Anwar Ibrahim iha marjen Forum Futuru ASEAN ba dala 2 iha Hanoi.
Tuir komunikadu neebe STL asesu husi media PR, Kinta nee (27/02/2024) líder sira konsentra sira nia diskusaun kona-ba adezaun Timor Leste nian iha Asosiasaun Nasaun sira Sudeste Aziatiku nian (ASEAN), ho Prezidente Ramos Horta destaka apoiu konsistente husi Malazia ba tentativa husi Timor Leste hodi tama iha bloku rejional dezde estabelese relasaun diplomatiku sira.
Iha enkontru nee, Primeiru Ministru Ibrahim reafirma kompromisu Malazia nian hodi apoia Timor Leste nia integrasaun tomak iha ASEAN, espresa esperansa katak adezaun formal sei finaliza durante Malazia nia prezidensia ba organizasaun nee.
Líder rua nee rekonhese dezafiu sira neebe ASEAN hasoru, enkuantu rekonhese Timor Leste nia progresu hodi kumpri rekezitu adezaun nian.
Diskusaun nee esplora mos kooperasaun ekonomika potensial, ho konversa sira neebe sentra iha Fundu Soberanu Timor Leste nian no oportunidade investimentu iha Malazia, no mos empreza konjunta sira iha Timor Leste.
Enkontru ida nee hametin liu tan relasaun bilateral sira entre nasaun rua no sublinha sira nia kompromisu fahe ba estabilidade no prosperidade rejional.
(eme)
