DILI, STLTIMORLESTE.com – Manorin bolsa kandidatu husi eskola sira iha Munisípiu Ainaro kestiona sira laiha rezidensia ba Servisu Edukasaun Munisípiu Ainaro, tanba durante sira aluga uma no balun komunidade mak oferese fatin ba sira.
“Ita nia manorin sira nee balun kontinua aluga uma, balun mak komunidade oferese fatin ba sira, sira hatoo mak too agora rezidensia seidauk iha nee, ita hatoo planu ba iha ME atu halo kada postu, kada eskola neebe mak bolsa kandidatu koloka ba nee, maibe too agora seidauk, ita nian bolsa kandidatu aluga uma nee barak,” afirma Servisu Edukasaun Munisípiu Ainaro,Patricio da Costa Magno ba STL liu husi velefoni Kinta nee (16/04/2026).
Nia haktuir, bolsa kandidatu sira kestiona rezidensia nee balun hatoo direita ba SEM no balun mak liu husi kontaktu telefone, maibe SEM ninia resposta ba sira katak, hein neneik, tanba planu fo ona ba ME, hodi hein bainhira mak atu implementa,” nia informa.
Entretantu Diretor Servisu Edukasaun Munisípiu Bobonaro, Miguel Freitas hatete, profesores maioria mak aluga uma, maibe sira 200 resin mak aluga uma, kada fulan selu US$ 50 hatoo ona ba ME nasional, maibe seidauk fo resposta, profesores 200 resin nee husi nivel pre eskolar, ensinu baziku, sekundariu no tekniku vokasional.
“Kona-ba sira nian hela fatin nee prontu provizoriu sira sei aluga komunidade sira nian uma, kada fulan sira selu kos US$ 50, tanba sira aluga uma, maibe ida nee difikuldade boot. Hau aprejenta ona ba iha ministériu, atu nunee bele tau konsiderasaun ba sira, tanba sira dala ruma hela fatin nee hamutuk ho komunidade,” katak nia.
(jac)
