DILI, STLTIMORLESTE.com – Oras nee daudaun manorin balun husi Ensinu Baziku Filial (EBF) Marinir ho kondisaun moras, labele hanorin estudante sira.
“Profesores ami oituan deit, maibe ami nian profesores nain 20 no nain 2 moras labele hanorin ita nian estudantes sira, ida seluk ninia uma hetan gusur, tanba atu halo Aeroportu, nunee nia muda tiha ona ba iha Hera. Hau hanoin ami nian profesores nee sufisiente hela, maibe kuandu ita nian numeru estudantes aumenta, nee profesor mos tenke aumenta,” dehan Kordenador Ensinu Baziku Filial (EBF) Marinir, Aureliano Maia ba jornalista STL iha nia knaar fatin, Sesta nee (14/08/2026).
Nia dehan, dezafiu seluk neebe mak eskola nee enfrenta konaba fasilidade balun seidauk kompletu, hanesan instalasaun ahi no bee seidauk, inklui armajen mos seidauk iha, konaba biblioteka iha no sira uza hela, sala aprendizajen ualu nomos sala ba ptofesores sira mos iha.
“Hau hanoin sala aprendizajen sufisiente hela, meza no kadeira restu nee ami rai fali, tanba meza kadeira sufisiente ba ami nian estudante sira, tanba nee konaba meza no kadeira sufisiente hela ba ami nian estudante sira,” nia komenta.
(jac)
