ME Halo Konstrusaun Dapur 20

Ilustrasaun (Foto: Espesial)

DILI, STLTIMORLESTE.com – Ministeriu Edukasaun (ME) liu husi Servisu Edukasaun Munisipiu Manatuto sei halo konstrusaun dapur foun hamutuk 20 ba Ensinu Baziku Filial (EBF), neebe lokaliza iha Munisipiu Manatuto.

Diretor Servisu Edukasaun Munisipiu Manatuto, Patricio da Cruz Quintao hatoo lia hirak nee ba STL liu husi telefone, Kuarta (15/01/2025).

“Agora ita preve tan orsamentu ba konstrusaun dapur foun ba ita nian ensinu baziku filial. Tuir planu orsamentu nee iha, sei halo Konstrusaun dapur foun 20, neebe mak atu uza ba tein merenda eskolar ba ita nian estudante sira. Tinan ida nee 18 eskola ensinu baziku halo konstrusaun foun, orsamentu aprova no prosesu hela,” nia esplika.

Patricio dehan, agora 2025 preve tan orsamentu EBF 20, nee sei identifika filial neebe ho numeru estudantes boot liu, filial barak, tanba nee ba EBF 20 nee sei halo sira nian konstrusaun dapur foun, nee sei halo tinan nee.

Iha fatin seluk, Diretor Servisu Edukasaun Munisipiu Ainaro, Patricio da Costa Magno hatete, eskola balu iha area remotas nee iha ona dapur para tein merenda eskolar, maibe balu seidauk, nee sira uza dapur provizoriu, tanba merenda eskolar nee estudantes husi nivel pre eskolar, ensinu baziku filial no ensinu baziku sentral mak asesu ba programa ida nee.

(jac)

Share it :

Leave a Reply

Your email address will not be published. Required fields are marked *