DILI, STLTIMORLESTE.com – Ministeriu Eduksaun (ME) liu husi Servisu Edukasaun Munisípiu Likisa nafatin halo koordenasaun servisu ho lideransa husi eskola ida-idak neebe lokaliza iha munisipiu refere.
Tuir Diretor Servisu Edukasaun Munisípiu Likisa, Julio da Silva ba STL liu husi telefone, Kinta nee (14/05/2026).
“Hau hanoin konaba ami nian lina koirdenasaun servisu nian ho parte dirijente husi eskola sira iha Munisípiu Likisa lao diak, bainhira iha informasaun asuntu importante ruma ami sempre fo hatene ba malu no ami nian servisu hamutuk durante nee lao diak hanesan baibain, tantu direjente husi eskola públiku no privadu, ami iha koordenasaun neebe diak tebes,” nia esplika.
Tuir Julio, nuudar Diretor Edukasaun Munisípiu Likisa sempre iha koordenasaun servisu nian ho parte eskola sira, nee importante tebes, karik eskola neebe hasoru difikuldade ruma, nee sempre hatoo ba iha parte Edukasaun Munisípiu Likisa ninia.
“Koordenasaun servisu ho lideransa eskola sira nee importante, nee duni ami halo koordenasaun servisu ho eskola, liu-liu liga ba dezafiu neebe ita nian eskola sira hasoru,” dehan nia
Iha fatin seluk, Patricio da Costa Magno hanesan Direitor Servisu Edukasaun Munisipiu Ainaro dehan, Servisu Edukasaun Munisipiu Ainaro nafatin halo koordenasaun servisu ho Lideransa Eskola hanesan Direitor eskola sira importante teb-tebes.
“Nuudar Diretor Edukasaun Munisipal Ainaro nafatin halo koordenasaun servisu ho ita nian lideransa husi eskola sira neebe lokaliza iha Munisipiu Ainaro nia laran, tanba lina koordenasaun nee importante teb-tebes, iha asuntu importante ruma presiza fo informasaun ba malu no difikuldade saida deit mak eskola sira hasoru nee tenke fo informasaun, tanba nee iha koordenasaun neebe diak ho ita nian diretor eskola sira,” dehan nia.
Nia akresenta, kuandu eskola sira menus fasilidade ruma ka asuntu importante ruma, sira presiza relata mai iha Edukasaun Munisipal atu nunee bele hatoo ba iha Ministeriu Edukasaun Nasional.
(jac)
