DILI, STLTIMORLESTE.com – Prezidente Republika (PR), Jose Ramos Horta hatete, liga ho protesta balun neebe mak husi media katak, sira la hetan kondekorasaun, hatan ba kestaun nee Prezidente Republika haete, nia laos membru Juri.
Prezidente Republika Jose Ramos Horta hatoo kestaun nee ba jornalista sira, bainhira remata halo vizita estadu ba iha Nasaun Bangdesh no fila hikas mai iha Timor Leste iha Aeroportu Internasional Nicolao Lobato, kuarta (18/12/2024).
Prezidente Republika dehan, liga ho kondekorasaun neebe prezidensial fo ba instituisaun media sira, tanba rekonhese sira nia servisu durante Visita Papa Francisco mai iha Timor Leste, maibe mosu kritika nee normal.
“Prontu hanesan hau hateten foin daudaun iha Palasiu Prezidensial, depois simu konkordasaun, hau hatete, laos hau mak membru juri, neebe hili, hau hatete se iha kritika deskontente ruma, hau prontu atu simu para haree,” dehan PR Horta.
Prezidente Republika, Jose Ramos Horta dehan, dala ruma mos mosu falhansu ruma tanba media iha Timor Leste mos barak.
“Tanba dala ruma media barak los, ita la hatene, bele falhansu ida ka rua, dala barak sempre akontese iha tinan sira laran nee, purtantu bele haree klaru, tanba hau lakohi diskriminaaun no lakohi deskontentementu, sira neebe merese tenke rekonhese duni,” katak PR Horta.
(eme)
