LIKISA, STLTIMORLESTE.com – FALINTIL- Forsa Defeza TImor Leste (F-FDTL) husi Kuartel Jeneral lao ain (marsa forsada) husi Nasuta Likisa too iha Tasi Tolu, Dili.
“Ohin ami halo marsa forsada too tama iha Kuartel Jeneral Fatuhada,” hatete Chefe de Operação Coronel João da Costa Esteves ba jornalista sira iha Nasuta, Kinta (19/12/2024).
Nia esplika, membru F-FDTL halo Marsa Forsada nee laos foin permeira vez, maibe ida nee hanesan programa fiksu ida para tama iha trenamentu operasional anual ninia. Maibe laos Kuartel Jeneral deit mak halo, mais kada komponente tenke halao atividade marsa forsada nee.
Nia deklara, marsa forsada nee atu tenta tok psikolojikamente ba forsa hotu-hotu nomos atu bele haree espiritu de Corpo no espírito de Camaradazen ba militar hotu-hotu neebe mak iha forte moral.
Entretantu Membru F-FDTL husi Kuartel Jeneral karreta tula mai husik iha Nasuta, husi Nasuta lao ain ba too iha Tasi Tolu Dili, depois karreta tula mai hatun iha Kuartel Jeneral Fatuhada Dili, no total membru neebe lao ain hamutuk 200 resin.
(jen)
