DILI, STLTIMORLESTE.com – Komadante Komponente Aero Lijeiria, Koronel Graduado, Helder da Costa hatete, ohin Membru FALINTIL – Forsa Defeza Timor Leste (F-FDTL) husi Komponente Aéreo Ligeira neebe remata ona sira nia formasaun iha mekanika, oinsá sobu no monta Aviaun ho durasaun fulan ida.
Nia dehan, membru F-FDTL Komponente Aéreo Ligeira hamutuk 21 neebe remata ona sira nia formasaun ba mekanika ba avianu nian,
durasaun fulan ida.
“Ita nia membru F-FDTL husi Komponente Aéreo Ligeira tuir formasaun ba Aeroe mekanika nian ohin remata, nee ita nia Governu antes nee halo akordu bilaterál ho Estadus Unidus Amérika (EUA) hodi fo formasaun ba sira oinsa atu kapasita ita nia membru sira nia Konhesimentu liu-liu komponente foun ida nee,” hatete Koronel Graduado, Helder da Costa ba jornalista sira iha Aeroportu Internasionál, Nicolau Lobato, Komoro Dili, Kuarta (11/12/2024).
Nia hatutan, EUA nia kooperasaun ho Timor Leste laos foin ohin, maibe kooperasaun nee antes ona, tanba ho oportunidade sira tenke aprende buat barak husi Formador EUA nee.
“EUA nia kooperasaun ho ita laos foin ohin, maibe ita kooperasaun nee antes, ho nunee formandu husi EUA mai ho sira nia formandu oin-oin, hodi regular ba ita nia Komponente Aéreo Ligeira liu -liu ba membru F-FDTL husi Komponente Aéreo Ligeira nia, oinsa sira bele aprende iha Area Mekanika baziku nian hodi halo manutensaun no oinsa bele sobu no monta aviaun,” nia esplika.
Iha fatin katak, Akademista UNTL, Jose Mourinho deklara, governu tenke aloka orsamentu neebe makaas ba Instutisaun F-FDTL no PNTL, atu nunee sira nia membru bele tuir formasuan iha area oin-oin hodi hadia dezenvolvimentu iha nasaun ida nee.
“Ita husu ba ita nia Governu tenke tau osan boot ba ita nia instutisaun rua nee F-FDTL no PNTL, nunee tenke tuir Formasaun iha ema nia rain no tuir Formasaun iha ita nia rai laran, liu-liu ba membru F-FDTL Komponente Aéreo Ligeira nian, ita kontente tanba ita nia F-FDTL hatene ona sobu no monta aviaun, hau hanoin informasuan nee importante tebes-tebes ba ita nia forsa sira,” nia afirma.
(jen)
