DILI, STLTIMORLESTE.com – Komando FALINTIL – Forsa Defeza TImor Leste (F-FDTL) halao misa agradesimentu ba loron FALINTIL Transforma ba F-FDTL ba dala 24.
Nia dehan, agradese tanba Maromak nia tulun no eroi sira nia mate ohin loron Timor bele ukun rasik aan, tanba nee idak-idak nia fiar ohin halao misa agradesimentu ba loron FALINTIL tansforma ba F-FDTL.
“Fiar iha imi idak-idak nia fuan, tanba nee ita hodi manan funu, maske terus maibe ita fiar katak nasaun ida nee tenke ukun aan,” hatete Padre Selebrante, Adriano Ola Duli liu husi nia omelia, wanhira prezide misa agradesimentu FALINTIL Transforma ba F-FDTL nian iha Metinaro, Sesta (31/01/2025).
Iha fatin hanesan, Xefe Estadu Maior Jeneral F-FDTL, Tenente Jeneral Domingos Raul “Falur Rate Laek” esplika, misa agradesimentu ba Maromak no ba matebian sira no eroi sira neebe uluk luta ba rai ida nee hodi Timor ukun rasik aan.
“Misa nee ita agradese ba ita nia Maromak no ita nia matebian sira, ita nia eroi sira balu mate ona, ita mesak ita halo buat ida, sira la mate karik ita la hanesan nee,” nia deklara.
Entretantu iha misa agradesimentu nee mos Xefe Estadu Maior Jeneral F-FDTL, Tenente Jeneral Domingos Raul “Falur Rate Laek” ho membru Governu inklui mos membru PNTL no veteranus sira hodi hakaat na Simiteriu Metinaro hodi kari aifunan ba Saudozu sira nia rate.
(jen)
