MNEK Releta Situasaun Servisu Ba PR Horta

MNEK Releta Situasaun Servisu Ba PR Horta. (Foto: Media PR)

DILI, STLTIMORLESTE.com – Ministru Negosiu Estranjeiru no Kooperasaun (MNEK), Bendito Freitas relata situasaun trabalhu anivel institusional no politika esterna ba Prezidente Republika (PR), Jose Ramos Horta, hodi husu PR nia hanoin ruma liga ho asuntu nee.

Ministeriu Negosiu Estranjeiru no Kooperasaun (MNEK), Bendito Freitas hatoo lia hirak nee ba jornalista sira, bainhira remeta enkontru ho Prezidente Republika iha Palasiu Prezidensial, Nicolau Lobato, Bairo Pite, Dili, Kinta (30/01/2025).

“Ohin hanesan ita haree 30 Janeiru 2025, Ministru Negosiu Estranjeiru no Kooperasaun ho Visi Ministru no Sekretariu Jeral mai enkontru ho Prezidente Republika, informa kona-ba situasaun trabalhu anivel institusional nian iha ministeriu, koordena ho politika esterna nian neebe Prezidente fo nia hanoin no pensamentu mai ami, liu-liu mudansa neebe hasoru iha lider politiku global nia iha Estadu Unidus Amerika foun, ho politika neebe ba futuru nia implikasaun iha TL,” hatete MNEK, Bendito.

Governante nee hatutan, asuntu seluk liga ho asuntu internal, preperasaun mos ba ASEAN neebe importante tebes, tanba nee mak informa ba Prezidente Republika atu apoiu neebe nesesariu ba konsolidasaun institusional, nomos kooperasaun interministerial neebe forte atu bele fasilita neebe halao.

Nia dehan, oras nee Governu hamutuk ho Prezidente Republika no ekipa esforsu makaas tinan nee Timor Leste bele ona adere ba ASEAN.

(eme)

Share it :

Leave a Reply

Your email address will not be published. Required fields are marked *