DILI, STLTIMORLESTE.com – Mosu Dezentendimentu entre ekipa konjunta husi Sekretaria Estadu Asuntus Toponimia no Organizasaun Urbana (SEATOU), Diresaun Jeral Terras no Propriedades, Ministeriu Obras Publikas (MOP) no Munisipiu Dili ho oknum FALINTIL-Forsa Defeza Timor Leste (F-FDTL) husi Unidade Polísia Militar (UPM) iha prosesu alargamentu estrada diresaun ponte Maufelu ba Becusse, Suku Bekora, Postu Administrativu Kristu Rei, Munisípiu Dili.
Dezentendimentu nee mosu bainhira ekipa konjunta nee halao hela levantamentu dadus iha terrenu liu-liu ba uma-kain sira neebe afetadu ba alargamentu estrada.
Bainhira ekipa halo aprosimasaun hodi husu ba oknum F-FDTL hosi Unidade Polisia Militar nee atu fornese dadus, maibe lakohi koopera no hatan ba ekipa ho lian makaas.
“𝐈𝐦𝐢 𝐦𝐚𝐢 𝐧𝐨𝐧𝐨𝐤 𝐝𝐞𝐢𝐭 𝐭𝐚𝐮 𝐭𝐢𝐧𝐭𝐚 𝐛𝐚 𝐡𝐚𝐮-𝐧𝐢𝐚 𝐮𝐦𝐚. 𝐇𝐚𝐮 𝐭𝐮𝐫 𝐢𝐡𝐚 𝐧𝐞e 𝐦𝐨𝐬 𝐢𝐦𝐢 𝐥𝐚 𝐤𝐨𝐧𝐬𝐢𝐝𝐞𝐫𝐚. 𝐋𝐨𝐥𝐨𝐨𝐬 𝐢𝐦𝐢 𝐦𝐚𝐢 𝐞𝐦𝐚 𝐧𝐢𝐚 𝐮𝐦𝐚 𝐭𝐞𝐧𝐤𝐞 𝐡𝐮𝐬𝐮 𝐮𝐥𝐮𝐤. 𝐋𝐨𝐨𝐬 𝐝𝐮𝐧𝐢, 𝐞𝐧𝐤𝐨𝐧𝐭𝐫𝐮 𝐡𝐚𝐮 𝐥𝐚 𝐩𝐚𝐫𝐭𝐢𝐬𝐢𝐩𝐚 𝐦𝐚𝐢𝐛𝐞 𝐡𝐚u-𝐧𝐢𝐚 𝐤𝐚𝐛𝐞𝐧 𝐩𝐚𝐫𝐭𝐢𝐬𝐢𝐩𝐚. 𝐇𝐚𝐮 𝐥𝐚𝐢𝐡𝐚 𝐩𝐚𝐬𝐢𝐞𝐧𝐬𝐢𝐚 𝐛𝐚 𝐞𝐦𝐚. 𝐈𝐦𝐢 𝐚𝐭𝐮 𝐨𝐡𝐨 𝐡𝐚𝐮 𝐨𝐡𝐨 𝐛𝐚 𝐦𝐚𝐢𝐛𝐞 𝐤𝐞𝐭𝐚 𝐡𝐚𝐮-𝐧𝐢𝐚 𝐬𝐨𝐫𝐭𝐞 𝐥𝐢𝐮 𝐡𝐚𝐮 𝐦𝐚𝐤 𝐨𝐡𝐨 𝐟𝐚𝐥𝐢 𝐢𝐦𝐢. 𝐇𝐚𝐮 𝐨𝐡𝐨 𝐢𝐦𝐢 𝐡𝐚𝐮 𝐭𝐚𝐦𝐚 𝐤𝐚𝐝𝐞𝐢𝐚 𝐧𝐨 𝐡𝐚𝐮 𝐬𝐚𝐢 𝐟𝐚𝐥𝐢 𝐦𝐚𝐢 𝐡𝐚𝐮-𝐧𝐢𝐚 𝐧𝐚𝐫𝐚𝐧 𝐛𝐨𝐨𝐭, 𝐭𝐚𝐧𝐛𝐚 𝐄𝐬𝐭𝐚𝐝𝐮 𝐝𝐞𝐡𝐚𝐧 𝐛𝐮𝐚𝐭𝐚𝐦𝐚𝐤 𝐢𝐝𝐚 𝐧𝐞𝐞𝐛𝐚 𝐨𝐡𝐨 𝐞𝐦𝐚 𝐦𝐚𝐤 𝐭𝐚𝐦𝐚 𝐤𝐨𝐦𝐚𝐫𝐤𝐚. 𝐋𝐨𝐨𝐬 𝐝𝐮𝐧𝐢, 𝐢𝐭𝐚 𝐥𝐚 𝐨𝐡𝐨 𝐦𝐚𝐥𝐮 𝐦𝐚𝐢𝐛𝐞 𝐡𝐚𝐮 𝐛𝐞𝐢𝐤-𝐭𝐞𝐞𝐧 𝐧𝐞𝐞, 𝐡𝐚𝐮 𝐥𝐚 𝐡𝐚𝐭𝐞𝐧𝐞 𝐡𝐚𝐤𝐞𝐫𝐞𝐤,” hatete Oknum Polisia Militar liu husi nota komunikadu imprensa neebe STL asesu husi media Gabineti Primeiru Ministru, Tersa (27/01/2026).
Oknum Polisia Militar nee mos lakohi koopera atu fornese dadus uma kain no husu atu Governu bele hatoo keixa ba Tribunal.
Oportunidade nee mos Sekretariu Estadu Asuntus Toponimia no Organizasaun Urbana (SEATOU), Germano Santa Brites Dias interven no halo aprosimasaun ba oknum Polísia Militar nee atu koopera hodi fo oportunidade ba ekipa konjunta atu halo servisu ba alargamentu estrada nee bele finaliza lalais.
Maski nunee, la koopera nafatin no Germano Santa Brites Dias atualiza ba Primeiru-Ministru atu halo mediasaun kona-ba dezintendimentu nee liu-liu razaun hosi lakohi koopera ho ekipa konjunta.
Bainhira Xanana Gusmão iha ona terrenu, oknum nee mis sei koalia makaas hasoru Xefe Governu nee, maibe parte seguransa atua hodi netraliza tiha situasaun.
“𝐈𝐦𝐢 𝐦𝐢𝐥𝐢𝐭𝐚𝐫, 𝐡𝐚𝐮 𝐗𝐞𝐟𝐞 𝐆𝐨𝐯𝐞𝐫𝐧𝐮. 𝐇𝐚𝐫𝐮𝐤𝐚 𝐅-𝐅𝐃𝐓𝐋 𝐦𝐚𝐢 𝐡𝐨𝐭𝐮 𝐭𝐢𝐫𝐮 𝐡𝐚𝐮 𝐦𝐚𝐭𝐞 𝐢𝐡𝐚-𝐧𝐞𝐞,” PM Xanana hatan ho lian makaas.
Ho prezensa Primeiru Ministru nian ikus mai SEATOU halo hikas aprosimasaun ho oknum Polísia Militar nee ninia kaben neebe koopera atu bele fo fatin ba ekipa konjunta hodi bele halo levantamentu dadus nunee bele halo alargamentu estrada nee. Parte seguransa assegura ona oknum nee iha Kuartel Polisia Militar nian iha Kintal-Boot, Dili.
Antes nee Primeiru Ministru akompania ekipa konjunta kompostu husi Ministériu Obras Publikas (MOP), Sekretaria Estadu Asuntus Toponímia no Organizasaun Urbana (SEATOU) no Munisípiu Dili halao dialogu ho populasaun iha aldeia Rumit, suku Becora, postu administrativu Cristo Rei, sesta (23/01/2026) hodi esplika detallada kona-ba prosesu tomak alargamentu estrada diresaun ponte Maufelu ba Becusse.
(alb)
