DILI, STLTIMORLESTE.com – Tribunal Judisial Primeira Instansia Dili (TJPID) halao prosesu primeiru interogatoriu ba arguidu nain 61, hanesan sidadaun Indonezia, neebe foin lalais polisia detein iha Tibar.
Arguidu nain 61 nee submete ba iha Tribunal, parte Ministeriu Publiku liu husi Prokurador Matias Soares promove sira ho krime haat, Asosiasaun Kriminosa, Explorasaun Ilisitu Jogu, Brankamentus Kapitais no Fraude Fiskal.
Arguidu sira nee too iha Tribunal submete liu ba prosesu identifikasaun neebe halao husi Juiza turnu, Ersilia de Jesus hodi rona arguidu sira nia deklarasaun.
Tuir regra neebe iha, prosesu identifikasaun remata, tama ba iha faze alegasaun husi Ministeriu Publiku no defeza arguidu sira nian, mak foin tama ba iha despaisu ikus husi Tribunal.
Tuir observasaun neebe iha, oras nee daudaun prosesu identifikasaun sei lao hela.
Prosesu promeiru interogatoriu nee prezide husi Juiz turnu Ersilia de Jesus, Ministeriu Publiku reprezenta husi Prokurador Matias Soares, arguidu hetan asistensia legal husi Defensor Publiku.
(ter)
