MANILA, STLTIMORLESTE.com – Nilton Telmo Gusmão dos Santos eleitu nu’udar Segundu Vise Prezidente Federasaun Futebol ASEAN (AFF) ba mandatu 2026–2030.
Eleisaun ne’e hala’o iha loron 15 Novembru 2026, iha Manila, Filipinas, ho partisipasaun husi membru federasaun futebol nasaun sira iha rejiaun ASEAN.
Ho eleisaun ne’e, Nilton Telmo Gusmão dos Santos sei reprezenta Timor-Leste iha lideransa organizasaun futebol rejionál ASEAN durante mandatu tinan 4, husi 2026 to’o 2030.
Kargu ne’e sai hanesan oportunidade ba Timor-Leste atu partisipa diretamente iha prosesu lideransa no dezenvolvimentu futebol iha rejiaun Sudeste Aziátiku.
Eleisaun Nilton Gusmão nu’udar Segundu Vice-Prezidente AFF mós hatudu partisipasaun Timor-Leste iha estrutura administrasaun futebol rejionál.
(leo)






