DILI, STLTIMORLESTE.com – Ministru Assuntu Kombatente Libertasaun Nasional (MAKLN), Gil da Costa “Oan Soru” husu Timoroan hotu atu selebra Natal ho tinan foun ho dame.
“Ba veteranu sira hotu iha territoriu laran tomak, hatoo ba ita nia oan sira, tanba loron boot ida nee ema hotu-hotu sei festeza no ita nia oan sira nee iha loron boot ida ne’e hakarak pasa Natal ho familia. No husu hotu-hotu atu mantein nafatin estabilidade, pas no hakmatek nia laran hodi simu tinan foun,” hatete MAKLN, Oan Soru iha Komoro, Kinta (19/12/2024).
Governante nee mos lori Ministeriu Asuntu Kombatente Libertasaun Nasional nia naran hatoo feliz natal no prosperu tinan foun 2025 ba Timoroan hotu, feto no mane, ferik no katuas, espesialmente ba Veteranu iha territoriu tomak.
“Tan nee Ministru lori funsionariu hotu nia naran hatoo feliz natal no prosperu tinan foun 2025 ba Timoroan hotu, no hamutuk kontribui ba pas no estabilidade hodi dezenvolvimentu Timor Leste ba oin,” hatete governante nee.
(alb)
