DILI, STLTIMORLESTE.com – Eskola Sekundariu Nobel da Paz hatoo parabens ba estudante finalista 643, husi eskola Sekundaria Nobel da Paz 100% aprovadu iha ezame nasional.
Lia hirak nee hatoo husi Diretor Eskola Sekundariu Nobel da Paz, Jeremias P. de Jesus ba STL iha nia knaar fatin, Segunda nee (16/12/2024).
“Ami nia estudante sira iha nee hotu-hotu 100% pasa iha ezame nasional ba tinan ida nee, maibe EBC nain rua la tuir ezame mak la liu, hirak neebe mak tuir ezame nee liu hotu kedas, nee duni ami nian total estudantes sekundariu hamutuk 643, nee 100% pasa iha ezame nasional, parabens ba sira hotu nian esforsu iha ezame ba tinan ida nee, no ba oin sira bele kontinua estudu iha universidade,” dehan nia.
Nia mos hatoo parabens ba sira hotu neebe mak ohin rona ona sira nian rezultadu ezame nasional no ezame lokal ba tinan ida nee nian, tanba liu husi sira nian esforsu mak sira hotu pasa iha ezame ba tinan nee.
“Agora ba ensinu baziku ninia nee nain rua la tuir ezame mak la pasa, se kuandu tuir ezame karik sira liu hotu, nee duni hirak neebe mak tuir ezame nee liu hotu, sira pasa hotu ona nee bele kontinua estudu iha ensinu superior,” nia esplika.
(jac)
