DILI, STLTIMORLESTE.com – Primeiru Ministru (PM), Kay Rala Xanana Gusmão hatete, sente kontente tanba situasaun iha loron boot paskua lao hakmatek.
Primeiru Ministru, Kay Rala Xanana Gusmão ba jornalista sira iha Palasiu Prezidensial Nicolau Lobato, Bairo Pite, Kinta (09/04/2026) hatete, sente kontente tanba iha festa paskua situasaun lao hakmatek.
“Paskua lao diak, ita hotu kontente, violensia hanesan baibain, soke iha oituan, mais ita temi karik katak, situasaun estavel hela, ita hotu kontente kona-ba ida nee,” dehan PM Xanana.
Iha biban nee Primeiru Ministru aviza mos ba Prezidente Republika katak, iha fulan Julhu, Timor Leste kaer hela Prezidensia CPLP husi Gine-Bisau ninian mak sei laiha simeira.
“Maibe, iha Julhu sei iha Konselhu Ministru husi CPLP ninia ema sira sei mai iha nee mak ita temi karik, festeja oituan, tanba CPLP halo tinan 30,” katak PM Xanana.
Iha biban nee Primeiru Ministru Kay Rala Xanana Gusmão hatete, liga ho sidadaun moras mental ida neebe mak oho labarik ida no balun kanek, ida nee oras nee dadaun Polisia Nasional Timor Leste halo hela investigasaun.
“Kona-ba defisiensia mental nee Laklubar iha neeba, karik halo investigasaun. Mais lori nia ba sentru rekuperasaun iha Laklubar.
Iha biban nee Primeiru Ministru hatete, sidadaun moras mental nee sei lori ba iha uma mahon Laklubar ou fatin rekuperasaun.
(eme)
