DILI, STLTIMORLESTE.com – Polísia Nasionál Timor Leste (PNTL) liu husi Diresaun Servisu Investigasaun Kriminal (DSIK) no Diresaun Servisu Informasaun Polísia (DSIP) junta Forsa Polisia, dezmantela tan sidadadun Estranjeiru nain 21 neebe halao atividade ba jogu ilisitu Scaming Call Centre, iha Aldeia Ailok Laran, Suku Hera.
Observasaun STL nian iha terenu, ekipa servisu operasaun too iha fatin halo kedas atuasaun ba suspeitu sira, tanba halo hela atividade scaming online no halo kedas aprensaun ba objetu krime sira hanesan kareta rua, telefone, laptop 14, pasaporte, kadeira meza no starlink 10 inklui mos osan balun.
Entretantu,, antes nee autoridade seguransa sobu ona rede scam call centre iha area Manleu, Bebonuk, Meti-Aut, Liquiça, Kampung Baru Comoro, Bedois no Becora.
Hafoin asegura suspeitu ho evidensia, ekipa konjunta tula kedas mai Kuartel Jeral PNTL hodi halo prosesu identifikasaun hafoin submete ba prosesu investigasaun.
(jen)
