DILI, STLTIMORLESTE.com – Ministru Prezidensial Konselhu Ministru, Agio Pereira hatete, Polisia Nasional Timor Leste (PNTL) nia rekursu importante mak rekursu umanu.
Ministru Prezidensial Konselhu Ministru, Agio Pereira hatoo lia hirak nee ba jornalista sira, bainhira partisipa Seminariu Nasional ba loron Aniversariu PNTL ba dala XXV ho tema “Hamutuk Ita Hametin Konfiansa Polisia Nasional Timor Leste, iha Sentru formasaun PNTL, Komoro, Tersa (11/03/2025).
“Importante ba Governu, no Governu intende katak situasaun hotu-hotu, liu-liu hanesan PNTL nia rekursu importante liu mak rekursu umanu, tanba nee Governu tenke investe esforsu tomak rekursu para asegura PNTL iha kualidade aas tebes rekursu umanus iha kapasidade intervensaun insultu iha komunidade, kapasidade jestaun, kapasidade intendimentu politiku mos hodi komprende politika labele pratika fali politika,” katak nia.
Nia hatutan, Governu tenke investe rekursu tomak atu asegura PNTL iha kualidade rekursu umanu, kapasidade halo intervensaun iha konflitu ruma kapasidade jestaun no intendimentu ba politika maibe labele pratika politika.
Iha fatin hanesan, Ministru Interior, Francisco da Costa Guterres hatutan, PNTL mos presiza hadia kestaun barak bele kontrui ba estadu, liu-liu iha area kestaun legais no seluk tan.
“Polisia iha kestaun barak ita tenke hadia buat barak para bele konstrui estadu nee rasik, primeiru mak kestaun oinsa hadia tiha lai kestaun legais sira nee, reorganiza instituisaun ida nee ho diak, tenke prepara baze legal neebe diak para sira implementa ho diak hodi responde ba nesesidade polisia nia, tanba nee mak foin lalais aprova estatutu polisia nee mak propoin ba Governu aprova hodi responde ba problema lubuk boot ida PNTL enfrenta hela durante nee, ida mak promosoens, tanba nee mak ita responde agora ita responde iha fulan ida nee nia laran liu husi artigu 155 promosaun estradisaun atu rezolve problema sira neebe durante nee husik hela iha PNTL laran.” Katak Ministru.
Governante nee dehan, husi promosaun rezolve prosesa ba veteranu, prosesa ba xefia, prosesa ba krize no seluk tan sira nee hotu mak Prezidente Republika dehan, tinan 20 resin seidauk sae eskola hamutuk ho fitun sira nee, maibe la sae ida nee presiza rezolve sira nia problema, tanba iha lakunas balu neebe la haree didiak ida nee.
“Lakunas legais entau ita mai hadia lakunas legais nee para ita rezolve sira nia problema balu iha ona idade atu ba reforma prepara para reforma, mezmu sira ba reforma sira tenke iha ligasaun ho PNTL para bele ajuda PNTL atu halao knaar iha fatin neebe sira hela ba, oinsa ajuda koalia ba joven sira muda sira nia mentalidade, oinsa ajuda PNTL atu kria hakmatek iha fatin neebe sira hela ba,” katak nia.
(eme)
