DILI, STLTIMORLESTE.com – Portugal prontu apoiu Timor Leste (TL) ba prosesu instalasaun Supremu Tribunal Justisa (STJ) iha rai laran.
Lia hirak nee Prezidente Parlamentu Nasional, Maria Fernanda Lay ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairu Pite, Segunda (27/04/2026) hatete, Portugal prontu apoiu Timor Leste ba prosesu instalasaun Supremu Tribunal Justisa.
“Hau ohin mai hasoru Prezidente Republika tanba antes nee hau sai ba rai liur iha Portugal hau hetan Prezidente Do Konsellu Superior Majistratura neebe sei ajuda Timor Leste durante prosesu atu ita instala supremu Tribunal Justisa tuir intensaun da sua exelensia Prezidente da Republika, neebe mensajen saida mak Prezidente hatoo iha momentu antes hau ba hau hatoo, no Portugal prontu neste momentu supremu Tribunal iha neeba nia atu fo apoiu iha selesaun juis ita nia supremu tribunal,” dehan PPN.
Prezidente Parlamentu Nasional hatete, hasoru malu ho Prezidente Konselhu Superior Majistratura no sira promete katak sei prontu atu apoiu Timor Leste ba instalsaun Supremu Tribunal Justisa nomos rekrutamentu juis.
Ligadu ho kandidatu neebe atu mai halo selesaun klaru katak nee kompetensia Konselhu Superior Majistratura Portugal nia, sira haruka kandidatu mai Timor Leste nia komisaun instala iha parlamentu ho reprezentante husi Prezidensia Republika ho parlamentu mak sei selesiona.
Prosesu nee sei lao sei halo karta ba Prezidente konsellu superior para hodi prosesa no haruka kandidata sira nee mai.
Portugal nia apoiu intermus saida? Hatan ba kestaun nee Prezidente Parlamentu Maria Fernanda lay dehan Portugal hatoo katak ba Timor Leste sira laiha rezerva.
“Sira hatoo katak ba Timor Leste sira sei laiha rezerva klaru katak sira apoiu haruka ema mai ita mak sei selu sira nia subsidiu durante sira halo serbisu iha selesaun nia tanba sei teste neebe sei halao ba ita nia juis sira,” katak nia.
Kalendariu sei haruka maibe harii nee Tribunal Supremu nee harii ona no komisaun nee hari ona no prosesu lao hela hein kalendariu para selesaun nee, no husu pedidu ofisial husi komisaun nee ba juis sira neebe sai Juiz.
“Ita preve ba antes do fin do ano tanba komisaun nee ba tinan ida nia,” katak PPN.
(eme)
