DILI, STLTIMORLESTE.com – Prezidente Parlamentu Nasional (PPN), Maria Fernanda Lay Lamenta ho deputadu no depuatada sira neebe iha Parlamentu Nasional insulta malu iha uma fukun la hatudu ezemplu diak ba povu.
Prezidente Parlamentu Nasional, Maria Fernanda Lay hatoo kestaun nee ba Jornalista bainhira remata halo enkontru ho Prezidente Republika Jose Ramos Horta iha palasiu Prezidensial Nicolau Lobato, Bairo Pite, Segunda (27/04/2026).
“Hau lamenta mais hau dala ida tan hau hatoo katak edukasaun mai husi uma laran no hau hanoin bankada idak idak mak tenke eduka nia deputadu tanba senhor Mari Alkatiri rasik iha plenaria bainhira senhor Mari Alkatiri ba iha neeba hatete katak bankada idak idak mak tenke eduka,” dehan PPN.
Prezidente PN Hatete etikamente ida nee lalos I aat liu tan edukasaun sivika saida mak deputadu ida hatudu ba publiku nuudar reprezentante povu iha parlamentu Nasional ba povu nee rasik.
“Hau hanoin publiku bele julga tanba publiku hatene ate pontu etilka ema ida ke adultu edukadu bele hatoo iha parlamentu,” katak nia.
Deputadu no deputada sira bainhira halo debate iha Parlamentu Nasional sempre insulta malu ho liafuan neebe lamerese hatoo iha publiku, lo-loos sira nuudar reprezentante povu koalia konaba povu nia moris, maibe dala barak uza sala iha plenaria hodi insulta malu.
(eme)
