DILI, STLTIMORLESTE.com – Prezidente Parlamentu Nasional (PPN), Maria Fernanda Lay relata servisu Parlamentu Nasional nian nomos atividade neebe PPN sei halo ba iha Prezidente Republika, Jose Ramos Horta.
Bainhira remata hasoru malu, Prezidente Parlamentu Nasional, Maria Fernanda Lay ba jornalista sira iha Palasiu Prezidensial Nicolau Lobato, Bairo Pite, Kinta (02/04/2026) hatete, kleur la mai hasoru malu ho Prezidente Republika, tanba atividade iha Parlamentu Nasional marka tiha ona atu halo servisu no ohin nee atu hatoo akordu Tribunal neebe haruka ba parlamentu, Prezidente Parlamentu tenke fo ba orgaun estadu hotu-hotu neebe iha mos ligadu ho asuntu nee.
“Segundu estabelesimentu Supremu Tribunal Justisa, hau mos ba hetan ho Konselhu Superior Majistratura iha Portugal neebe ita sei hatoo apoiu sira, nia husu sira nia apoiu ba prosesu nee, Parlamentu Nasional mak tutela ba prosesu nee hotu, nee mak hau ba Portugal aproveita konvite prezidensia da asembleia da Republika hau bele ba iha neeba hatoo mos ita nia nesesidade de kooperasaun,” dehan PPN.
No asuntu ikus mak liga ho akordu balun neebe halao iha tinan barak, iha kotuk foin mak mosu iha parlamentu, tanba nee PPN mai hatoo ba Prezidente Republika katak, Parlamentu Nasional servisu hamutuk ho Ministeriu Negosiu Estranjeiru no Kooperasaun para identifika akordu ou tratadu neebe halao tiha ona tenke liu husi Parlamentu Nasional para ratifika ida.
“Asuntu seluk ligadu ho situasaun mundu nia ligadu ho CPLP ninia rasik neebe ita sei hosting iha tinan nee CPLP nia atividade neebe senhor Prezidente mos koalia kona-ba situasaun Guine Bisaun neebe ita hotu preokupa no funu iha mediu oriente neebe ita hotu tenke aprende kesi kabun, tanba nee mak hau husu ba Parlamentu Nasional atividade fora Dili ba munisipiu diminui nia frekuensia nomos viajen ami nia ba estranjeiru tenke diminui nia membru delegasaun tanba ita agora la liu ona husi Doha ou Qatar Emirates mos ita la liu ona, tanba funu iha mediu oriente ita tenke volta tanba ho kustu boot liu neebe preokupasaun ita hotu nia liga ho resesu mundial,” katak PPN.
Liga ho Tribunal deklara lei pensaun mensal vitalisia, Prezidente Parlamentu dehan nia mos komprende katak iha prosesu nee parlamentu aprova tiha lei para hasai hotu lei pensaun mensal vitalisia, klaru mekanizmu tenke iha para haree ba liu-liu eis titulares.
(eme)
