PR Fiar Projetu Pelican Paradise La Implementa Ona

Prezidente Republika (PR), Jose Ramos Horta. (Foto: Media PR)

DILI, STLTIMORLESTE.com – Prezidente Republika (PR), Jose Ramos Horta fiar konstrusaun projetu Pelican Paradise la lao ka la implemta ona, tanba demora beibeik.

Xefe Estadu hatoo kestaun nee ba jornalista sira iha Kantina Matak Palasiu Prezidensial Nicolau Lobato, Bairo Pite, Dili, Tersa (28/01/2025).

“Hau akompanha ona prosesu nee, tanba demora demora no demora, demora laos husi Governu Timor Leste nian, maibe demora mos husi sira, nee duni hau hanoin projetu nee la lao, hau la fiar projetu nee lao,” Katak PR, Horta.

Nia dehan, kuandu haree fila fali kontratu nee, signifika katak mate ona no la lao ona. “Governu haree fila fali signifika la lao ona, Governu haree fila fali projetu Aeroportu Dili tinan ida ho balu ona seidauk book aan, Governu atu haree projetu enerjia solar panel iha laleia nee, neebe kuandu hau rona haree fila fali nee ita mate deit ona,” dehan nia.

Prezidente Republika hatutan, nia la fiar projetu Pelican Paradise nee atu realiza, tanba demora demais ona.

“Hau la fiar tanba demora demais ona, sira mos lakon ona tanba ema nee mai iha nee tinan 10 besik tinan 20 ona, hau haree nia katuas daudaun ona moras, hau hanoin sira atu taka ona, maibe la hatene hau kleur ona la koalia ho sira, hau hanoin sira atu taka deit ona tanba demora demora demora laos sira deit, sira seluk mos,” katak nia.

Horta hatutan, East Timor Traing tinan selu impostu milhaun US$ 50 ba estadu sira hatama osan boot ba Timor ba Ministeriu Finansa, sira hein ona tinan rua atu asina akordu ida, akordu investimentu nein duit metan mai husi Governu, halo armajen modernu iha Manleuana para kompanhia husi liur mai sira tau sasan iha neeba, too agora tinan 2 so asina deit invest agriman nee seidauk, maibe too agora seidauk.

Iha tinan kotuk Prezidente Grupu Pelican Paradise, Datuk Edword Ong bainhira hasoru Primeiru Ministru, Kay Rala Xanana Gusmão hatete, konstrusaun Hotel fitun lima Pelican Paradise iha area Tasi Tolu sei adia ba tinan 2024, maibe too ona tinan 2025 seidauk halo konstrusaun.

Antes nee Prezidente Republika Jose Ramos Horta halo lansamentu ba konstrusaun Pelican Paradise, no hetan mos bensaun husi eminensia Dom Virgilio Cardeal do Carmo da Silva iha Tasi Tolu, iha loron 25 fulan Novembru 2022.

(eme)

Share it :

Leave a Reply

Your email address will not be published. Required fields are marked *