DILI, STLTIMORLESTE.com – Prezidente Republika (PR), Jose Ramos Horta simu Embaixador Malazia iha Timor Leste, Amarjit Singh Sarjit Singh, hodi avansa relasaun internasional ho Malazia.
Iha loron Segunda lokraik (10/03/2025) Prezidente Republika, Jose Ramos Horta simu Embaixador Malazia iha Timor Leste, Amarjit Singh Sarjit Singh, iha Palasiu Prezidensial ba diskusaun sira kona-ba hametin kooperasaun bilateral. Iha enkontru nee, Prezidente Republika hetan informasaun kona-ba inisiativa xave oin-oin neebe sei hasae relasaun entre nasaun rua nee.
Embaixador Singh atualiza ba Prezidente Republika kona-ba progresu sira ba planu dezenvolvimentu rai nian iha estrada Pantai Kelapa iha Dili, ho servisu dezenhu nian neebe sei hahu iha inísiu tinan 2026.
Diplomata nee konfirma mos finalizasaun husi akordu sira ba konetividade semo diretu entre Kuala Lumpur too Dili, ho semo semana ida dala rua neebe sei lansa iha tempu badak, dezenvolvimentu ida neebe Prezidensia simu ho diak nuudar pasu signifikativu ida ba asesibilidade internasional ba Timor Leste.
Prezidente Ramos Horta hetan mos informasaun kona-ba implementasaun tuir mai kona-ba entrada livre husi vistu ba sidadaun Malazia sira mai Timor Leste iha fulan ida ka fulan rua oin mai, no kona-ba Expo Malazia neebe planeadu sei realiza iha CDD, Dili, iha loron 9-10 Maiu 2025. Expo nee sei inklui ho espozitor 40-50 iha setor oin-oin, hodi apoia Prezidente nia esforsu sira neebe lao hela atu atrai investimentu estranjeiru no espansaun oportunidade ba Timor Leste.
(eme)
