DILI, STLTIMORLESTE.com – Prezidente Republika (PR), José Ramos-Horta ho asesor prinsipál ba Primeiru Ministru no rezidente komité assuntu Parlamentár Japaun halo diskusaun kona-ba assuntu oi-oin kona-ba dezenvolvimentu Timor Leste (TL).
Bainhira remata hasoru malu, asesor prinsipál ba Primeiru Ministru no Rezidente Komité assuntu Parlamentár Japaun Endo Takashi ba jornalista iha Palásiu Prezidensiál Nicolau Lobato, Bairo Pite Kuarta (09/09/2026) hatete, sente kontente hasoru malu Prezidente iha enkontru ne’e ko’alia assuntu oin oin.
Delegasaun deputadu na’in-tolu husi Japaun hasoru malu ho Prezidente Repúblika, José Ramos-Horta, hodi diskute kooperasaun iha área importante tolu hanesan infraestrutura, investimentu no rekursu umanu ba dezenvolvimentu iha Timor-Leste.
Membru PN na’in-tolu reprezenta deputadu sira husi Japaun ne’ebé mai vizita Timor-Leste no hasoru Prezidente Repúblika José Ramos-Horta hafoin hasoru malu ho Prezidente Parlamentu Nasionál Fernanda Lay.
“Ami nain tolu deputadu husi Japaun neebe mai vizita Timor Leste hodiseik, orsida mak fila, ohin ami nain tolu hasoru malu senhor Prezidente no hodiseik hasoru malu Prezidente Parlamentu Nasional no ami nain tolu mai premeiru vez iha Timor Leste,” dehan nia.
Nia dehan, iha tinan 2003 deputadu nain tolu vizita Timor Leste no deputadu sira husi japaun mos mai vizita Timor Leste no iha tinan 2026 mai iha Timor Leste hasoru malu ho lideransa Timor Leste.
“Ohin halo diskusaun ho Prezidente Republika ho assuntu oin oin konaba dezenvolvimentu no Timor Leste mos dadaun nee tama ona membru ASEAN ona no japaun mos kontinua apoiu Timor Leste,” katak nia.
Iha hasoru malu nee delegasaun deputadu na’in-tolu husi Japaun hasoru malu ho Prezidente Repúblika, José Ramos-Horta, hodi diskute kooperasaun iha área importante tolu hanesan infraestrutura, investimentu no rekursu umanu ba dezenvolvimentu iha Timor-Leste.
Membru PN na’in-tolu reprezenta deputadu sira husi Japaun ne’ebé mai vizita Timor-Leste no hasoru Prezidente Repúblika José Ramos-Horta hafoin hasoru malu ho Prezidente Parlamentu Nasionál Fernanda Lay.
Nia dehan, iha hasoru malu nee ko’alia liu kona-bá infraestrutura, kona-ba ekonómia, no mós investimentu depois kona-bá rekursu umanu mós. Kona-bá infraestrutura la’ós área espesifiku ida-idak, maibé ko’alia jerál, depois primeiru nu’udar deputadu husi Japaun mós hato’o agradesimentu ba Prezidente Repúblika, alende nee koopera Japaun ho Timor-Leste sei kontinua iha área hotu-hotu no sei haré mós ba área prioridade sira ne’ebé Timor-Leste nesesita no iha Timor-Leste iha mós Embaixadór Japaun, Yasushi Yamamoto, tanba ne ‘e ba oin sei haklean liuán kooperasaun no Prezidente Repúblika no estadu Timor-Leste bele hato’o hanoin nafatin ba Embaxadór atu Japaun kontinua apoiu país Joven ida-ne’e.
(eme)
