DILI, STLTIMORLESTE.com – Prezidente Republika (PR) Jose Ramos Horta kontinua defende valor fiar, arte, kultuta no identidade neebe define husi espiritu Timor oan.
Liu husi Komunikadu neebe STL asesu husi media Prezidensia Republika, Tersa nee (12/05/2026) hatete, Prezidente Republika kontinua defende valor fiar nia.
“Fuan husi Nasaun, Arte, Kultura, no Identidade Prezidensia kontinua defende valor fiar, istoria, no lenda sagrada sira neebe define espíritu Timoroan nian,” katak husi komunikadu
Husi fiar nia Mensajen Paskua hosi Moris-Hias (Abríl 2026) Iha diskursu ida neebe klean, Prezidente Ramos-Horta fo hanoin ba nasaun katak independensia mak Timor-Leste nia “Domingu Paskua.
Xefe Estadu husu pas global, hodi husu ba mundu atu lakohi simu funu nuudar destinu final umanidade nian no atu valoriza milagre pas nian neebe hetan ho susar iha Timor-Leste.
Eskultura “O Menino e o Crocodilo” (25 Abríl 2026) Hodi marka data simbolika liberdade nian, Prezidente anunsia xegada eskultura bronze monumental ida hosi artista Portugues Leonel Moura. Obra ho todan 700kg nee, neebe reprezenta lenda fundadora nasaun nian, kria liuhosi IA no modelajen 3D no sei instala permanente iha Díli nuudar símbolu lasu klean entre Portugal no Timor Leste.
Komemorasaun Loron ANZAC (25 Abríl 2026) Prezidente fo onra ba espíritu Anzac” hamutuk ho diplomata no veteranu sira hosi Australia no Nova Zelandia. Xefe Estadu konvida ofisialmente lideransa Australia nian atu tuir komemorasaun 2026 iha Díli hodi hametin liutan ligasaun istorika no umanu iha rejiaun nee.
Loron Nasional Vatikano (30 Abríl 2026) Hodi selebra ligasaun neebe dura ho Santa Se, Prezidente halo apelu makaas ba kreduor internasional sira atu hatudu sabedoria no kompaixaun hodi kansela dívida publika hosi nasaun sira neebe vulneravel liu iha mundu, hodi argumenta katak todan dívida nian hanetik investimentu esensial iha saude no edukasaun.
(eme)
