DILI, STLTIMORLESTE.com – Prezidente Republika (PR), Jose Ramos Horta hatete, lian Inglês laos deit vantajen ida maibe nuudar nesesidade estratejika ba diplomasia komersiu no siensia.
Prezidente Republika hatete, foti ba oin katak Ingles laos deit vantajen ida, maibe nuudar “nesesidade estratejika” ba diplomasia, komersiu, siensia, no inovasaun, liuliu bainhira Timor-Leste prepara an ba adezaun ASEAN.
Liu husi diskursu Iha Okaziaun Serimonia Lansamentu Programa Ingles IOB–COSMO Pearson Reinu Unidu Kuarta kalan (22/04/2026), Prezidente Republika Republika, Jose Ramos Horta hatete, sente haksolok partisipa iha eventu Importante nee.
Prezidente Republika, J. Ramos-Horta, ohin sublina papel kritiku hosi kbiit lingua Ingles ba Timor-Leste nia dezenvolvimentu no integrasaun iha komunidade global, durante lansamentu ofisial Programa Ingles IOB-COSMO Pearson United Kingdom.
Koalia iha Institute of Business (IOB) iha Dili, Prezidente foti ba oin katak Ingles laos deit vantajen ida, maibe nuudar “nesesidade estratejika” ba diplomasia, komersiu, siensia, no inovasaun, liuliu bainhira Timor-Leste prepara an ba adezaun ASEAN.
Prezidente louva parsuaria vizionaria entre Institute of Business, no Cosmopolitan College of Commerce and Technology hosi Brunei Darussalam, hodi fo enfaze katak kooperasaun internasional hanesan nee tradus diretamente ba “oportunidade real” ba foin-sae no profisional timoroan sira. Nia hateten katak programa nee, neebe oferese sertifikasaun rekonesidu internasional, sei fo kbiit ba sidadaun sira atu kompete iha mundu, asesu ba oportunidade akademika iha rai-liur, no partisipa ativu liutan iha forum rejional no internasional, hodi haburas jerasaun ida neebe iha vizaun global.
Konklui ho mensajen esperansa nian, Prezidente Ramos-Horta reafirma hikas Prezidensia nia kompromisu ba inisiativa edukativa sira neebe dezenvolve kapasidade no promove dezenvolvimentu umanu.
Xefe Estadu inspira estudante sira neebe marka prezensa atu aproveita oportunidade nee, hodi haree aprendizajen Ingles nuudar xave ida atu “loke odamatan ba mundu” no kontribuisaun diretu ba dezenvolvimentu ekonomiku sustentavel no diversifikasaun iha Timor-Leste. Lansamentu programa nee deklara nuudar ezemplu klaru hosi vizaun nasaun nian ba futuru ida neebe harii iha konesimentu no parsuaria global neebe forte.
Xefe Estadu hatete Ho ksolok tebes hau hamutuk iha okaziaun signifikativu ida-nee hodi marka Lansamentu Programa Ingles IOB–COSMO Pearson Reinu Unidu nian, inisiativa ida neebe reprezenta pasu konkretu no estratejiku ida hodi hametin kapital umanu Timor-Leste nia,
Prezidente Republika fo parabens ba Institutu Negosiu, Dili, no Kolejiu Kosmopolita Komersiu no Teknolojia Brunei Darussalam nian ba parseria vizionaria ida-nee, neebe hatudu oinsa kooperasaun internasional bele tradus ba oportunidade real Timor nia foin-sae no profisional sira.
Iha mundu ida neebe interligadu ba beibeik, profisiensia iha lian Ingles laos ona deit vantajen ida ida-nee sai ona nesesidade estratejiku ida.
“Nia maka linguajen diplomasia kontemporanea nian, komersiu global, siensia no inovasaun nian lian serbisu nian ida iha Timor-Leste neebe konsagra iha ita-nia Konstituisaun, no mos lian ofisial hosi organizasaun intergovernamental oioin, liuliu Asosiasaun Nasaun sira Sudeste Aziatiku nian (ASEAN). Ba nasaun ida hanesan ita-nian, iha momentu desizivu iha ninia istoria, prepara ba ninia integrasaun progresiva no kontinua nuudar Estadu-membru ASEAN ba dala 11, investe iha ensinu lian-ingles nian mak investe iha futuru Nasaun nian,” dehan PR Horta.
PR Horta dehan, Programa ida-nee lansa ohin laos deit kursu lian nian. Ida nee maka instrumentu ida ba empoderamentu nasional, Hodi oferese sertifikasaun sira neebe hetan rekonesimentu internasional, sei permite sidadaun timoroan sira atu kompete iha nivel hanesan iha merkadu global, asesu ba oportunidade akademika sira iha rai-liur, no partisipa ho ativu no fiar-an liutan iha forum rejional no internasional sira.
(eme)
