DILI, STLTIMORLESTE.com – Prezidente Republika (PR), Jose Ramos Horta simu delegasaun investor husi India ne’ebe lidera husi familia Reinu Hyderabad husi India, iha Palasiu Prezidensial.
Bainhira remata hasoru malu, Embaixador Timor Leste ba India, Karlito Nunes ba jornalista sira iha Palasiu Prezidensial Nicolau Lobato, Bairo Pite, Kuarta (02/09/2026) hatete, objetivu husi enkontru nee delegasaun investor husi India mai hasoru Prezidente Republika Jose Ramos Horta hanesan enkontru kortejia.
“Iha ne’e delagasaun husi India ne’ebe too horiseik iha ne’e dia 7 Setembru, ho objetivu husi sira nia vizita no ohin halo enkontru kortejia ho Prezidente Republika ne’e hanesan hanesan ekontru kortejia deit,” dehan Embaixador Timor Leste ba India.
Embaixador hatete, bainhira remata hasoru malu ho Prezidente Republika, delegasaun iha ne’e sei hasoru ho Kamara Komersiu Industria, nune’e sei hasoru Visi Primeiru Ministru II iha loron Sesta, Ministru agrikultura, Ministra Saude nomos ministerium seluk tan.
Objetivu sira iha ne’e atu explora oportunidade oinsa bele investe ka haree oportunidade ne’ebe mak iha liu liu ekosistem ba investimentu ne’ebe mak Timor Leste iha.
Nia hatete, sira iha kompanha husi investor nain 10 mai husi investor oin oin husi setor oin oin iha agrikultura, saude, edukasaun, imfraestrutura, turizmu no iha seluk tan.
Embaixador haktuir tan katak, ohin mai enkontru kortejia ho sua exelensia Prezidente maibe konaba halo investimentu ne’e kompetensia Governu, tanba ne’e mak investor sira ne’e sei hasoru Visi Primeiru Ministru nomos entidade seluk tan.
Iha hasoru malu ne’e Prezidente Republika Jose Ramos hatoo benvindu ba delegasaun ne’ebe mai husi India ne’ebe iha intrese hakarak mai investe iha Timor Leste liu liu relasaun ho Timor Leste nia nia preparasaun ba ASEAN iha 2029 ida ne’e oportunidade bele investe iha Timor Leste.
(eme)
