DILI, STLTIMORLESTE.com – Pre-eskolar Moris Foun I hatoo preokupasaun konaba laiha guarda eskola ba iha Ministeriu Edukasaun (ME), maibe too agora seidauk iha resposta.
Preokupasaun nee hatoo husi Koordenadora Pre Eskolar Moris Foun I, Domingas Beatriz da Cunha ba STL iha nia knar fatin, Segunda nee (24/08/2026).
“Dezde inisiu too agora ami laiha guarda eskola, tanba nee ami nian profesores sira mak halo limpeza, tanba ami laiha guarda eskola, maske ami nian eskola publiku, maibe ami laiha guarda hodi asegura ami nian eskola, nunee ami nian profesores sira nee mak halo servisu hotu, nee sira mak halo,” nia dehan.
Beatriz dehan, dala ruma husi eskola husu ajuda ba inan aman sira neebe mak hein sira nian oan iha eskola, bele ajuda profesor sira, lo-loos a eskola sira nee iha guarda ida para bele asegura eskola sira nee.
“Nuudar koordenadora hau hatoo preokupasaun konaba guarda eskola nian nee hatoo ba ME liu husi ami nian ekontru neebe mak ami halao, maibe too agora ninia rezultadu seidauk iha, tanba nee ami nian eskola laiha guarda,” katak nia.
(eme)
