DILI, STLTIMORLESTE.com – Premiu empreendedor feto datoluk loke ona nomeasaun atu fo onra ba empreza sira lideradu husi feto pioneira sira iha Timor-Leste.
Iha loron Segunda (04/05/2026), feto emprezaria sira neebe kria daudaun empregu sira, transforma industria no inspira jerasaun lider negosiu sira tuir mai iha Timor-Leste, dala ida tan sei sai sentru atensaun, bainhira loke nomeasaun sira ohin ba edisaun datoluk Premiu Emprendedor Feto Timor Leste nian, neebe organiza ho patrosiniu husi Prezidente Republika Jose Ramos Horta.
Serimonia lansamentu nee organiza husi International Finance Corporation (IFC) parte setor privadu Grupo Banku Mundial nian, no Associação Empresarial das Mulheres de Timor Leste (AEMTL), premiu sira nee lansa nudar parte husi IFC ninia Programa Abilidade Setor Finanseiru Timor Leste. Implementa iha parseria ho Banco Central de Timor Leste (BCTL) no hetan apoiu husi Governu Australia no Nova Zelandia, programa nee iha objetivu atu promove inkluzaun finanseiru neebe luan-liu tan liu husi dezenvolve setor finanseiru ho inisiativa abilidade espesifiku sira.
Iha biban nee Prezidente Republika Jose Ramos Horta hatete, progresu Timor Leste depende ba partisipasaun kompletu no igual husi nia povu tomak no feto sira mak iha sentru husi viajen nee.
Xefe Estadu hatete, husi merkadu Dili too munisipal sira iha nasaun laran tomak, feto Timoroan sira kria negosiu, hamosu servisu, no lori inovasaun neebe haforsa ekonomia no eleva komunidade sira.
“Selebrasaun Premiu Empreendedor Feto Timor-Leste nee ba espíritu ida nee duni rekonese katak empreendedora sira no lideres profisionais feto sira nian merese atu haree, fo honra, no enkoraja atu atinje nivel aas liu tan. Ho laran tomak hau enkoraja feto hotuhotu neebe ho brani lidera, inova, no kontribui ba futuru nasaun nee nian, atu hakat mai no aplika ba Premiu Feto Timor-Leste iha Negosiu. Ita-boot nia istoria merese atu fo-sai, no Timor-Leste orgullu ho ita-boot,” dehan PR Horta.
Nunee mos Prezidente AEMTL, Hergui Luina Fernandes Alves hatutan, ho baze iha susesu eventu inaugural tinan anterior nian neebe simu nomeasaun too 100 Premiu tinan nee kontinua selebra atinjimentu sira feto no organizasaun nian neebe impulsiona progresu iha setor sira hahu husi retallu no agrikultura ba ospitalidade no finansas, iha nasaun neebe ho ekonomia joven liu iha Sudeste Aziatiku.
Vensedor barak tinan anterior nian alkansa ona kresimentu profesional boot liu, vizibilidade, no espansaun empresarial hodi hametin liu tan sira-nia papel iha kriasaun empregu no iha espansaun oportunidade sira.
“Bainhira feto Timor-oan sira harii sira nia negosiu, sira forma futuru nasaun nian guia husi korajen, vieraun, no reziliensia neebe la nakadoko,” dehan Hergui Luina Fernandes Alves, Prezidente AEMTL.”
Nia hatete Premiu Empreenderora Feto Timor-Leste nian mak plataforma signifikativu atu onra exelensia, inspira mudansa, no selebra prestasaun esepsional feto sira nian iha negosiu hodi promove unidade, reforsa kadela valor, no lidera kriasaun servisu iha nasaun tomak,
Empreendedora feto sira halo papel importante liu-liu iha dezenvolvimentu ekonomiku Timor-Leste nian, luhusi kresimentu empreza mikro, klik no mediu sira neebe kria servisu no apola komunidade sira. Premiu Empreendedora.
(eme)
