Presiza Halo Investimentu Hodi Fo Servisu Ba Timoroan

Visi Diretor Asosiasaun HAK, Antonino de Limas. (Foto STL/EST 1)

DILI, STLTIMORLESTE.com – Governu presiza halo investimentu iha rai laran, nunee bele fo servisu ba Timoraon sira, para bele trava joven sira ba buka moris iha rai liur.

Kestaun nee hatoo husi Visi Diretor HAK, Antonino de Limas ba jornalista sira iha knaar fatin Farol, Dili, Kuarta (15/01/2025).

Nia dehan, Governu presiza lobi invetor husi nasaun avansadu sira, nunee mai halo investimentu iha Timor Leste hodi bele fo servisu ba Timoroan sira.

Tanba dala barak Prezidente Republika hatete, viajen ba rai liur hodi lobi investor sira mai halo investimentu, maibe iha tinan hira nia laran la akontese, se lei mak fraku hodi garante investor sira, Prezidente nafatin alerta ba iha Governu no parlamentu Nasional nunee buka halo lei hodi garante ba investor sira.

“Dala barak Prezidente Republika mak dehan ba rai liur atu lobi investor sira nee atu mai investe iha ita nia rai, maibe la akontese, nee laos problema iha deit sira atu mai ka la mai, sira iha osan maibe sira mak tenke haree ita nia politika kona-ba investimentu lao oinsa, ita nia lei liga ho estatutu, buat sira nee hotu, tanba nee ema hakarak mai maibe kuandu nia haree kondisaun hotu rekejitu hotu la apoiu ba nia investimentu entaun susar,” dehan nia.

Nia hatete, maske iha komitmentu hakarak halo investimentu maibe investor sira mos sei tetu lai, no sira mos analiza lai risku, buat hotu mak mai, tanba nee mak husu ba Governu no Parlamentu Nasional presiza kria lei, nunee bele garante investor sira hodi halo investimentu iha rai laran bele fo servisu ba Timoroan, se lae tinan ba tinan halo joven potensial sira sai hotu ba rai liur.

Nunee MOS Diretor AJAR, José Luis de Oliveira dehan, tuir lo-loos Prezidente Republika koalia didiak ho Governu, tanba Ministru no Ministra neebe kaer kargu nee, PR mak fo pose, se Ministru ida halo politika la diak presiza hasai.

“Se Ministru ida halo servisu la diak troka tanba sa la troka, no liga ba investimentu ida nee tutela ba Ministru Asutu Ekonomia, se la hatene halo politika dada investimentu troka nia,” dehan nia.

(eme)

Share it :

Leave a Reply

Your email address will not be published. Required fields are marked *