DILI, STLTIMORLESTE.com – Sinais sonoru nee hanesan sinais ida neebe bele fasilita sidadaun sira neebe lao ain, bainhira atu ultra pasa zebra kross nomos hodi evita hetan asidente.
Tanba nee Diresaun Nasional Trasporte Trestrre (DNTT) instala ona sinais Sonoru nee iha area Kaikoli , Obirgado Barak, Fatuhada, Palasiu Governu no Alola Fundasaun.
Nia deklara, maibe sinais nee rasik sidadaun ka motirista sira sedauk komprende no utiliza , tanba nee Diresaun Nasionál Transporte Terestre (DNTT), Ministériu Interior (MI) liu husi Diresaun Diresaun Nasionál Seguransa Rodoviaria (DNSR) hamutuk ho Poliisa Tranzitu Munisipiu Díli, halo sensibilizasaun hodi fahe informasaun konaba regras utilizasaun sinais sonoru iha estrada publika, hodi prevene asidente trafiku, mortalidade, infrasaun ba motorista no komunidade sira iha Suku Caicoli, Postu Administrativu Vera Cruz, Munisípiu Dili.
Nia deklara, programa PNTL, DNSR no DNTT objetivu hakarak atu eduka komunidade, atu nunee karik lao iha estrada públiku, bainhira kuandu zebra kross neebe monta ona lampu sonorus tenke kumpri sinais neebe hatudu.
“Bainhira kuandu lampu sonorus lian sidadaun sira korta ona zebra kross, entaun motirista sira tenke para, bainhira kuandu lian remata signifika lampu nee matak ona, sira bele liu ona zebra kross,” Xefe Seksaun Tranzitu Komando Munisípiu Díli, Supritendente Asistente Afonso da Silva ba jornalista sira iha Kaikoli, Kuarta (13/05/2026).
Nia dehan, parte tranzitu apenas halo kontrolu ba deit area sira ne’ebé sinais sonorus instala ona, kuandu morista sira neebe la kumpri sinais nee sei hetan sansaun. Ba motorista sira la kumpri regra tranzitu mak sei foti sansaun, tanba konsidera infrasaun, se konsidera infrasaun tranzitu tenke prende no aplika mult ba selu iha banku.
Afonso hatete, ba oin sei koloka membru sira ba iha sinais sonoru neebe mak intsala ona, atu nunee bele eduka sidadaun sira bele komprende liu sinais sonoru neebe monta iha zebra kroz.
Iha fatin hanesan, Diretor Nasionál Seguransa Rodoviária, Elder Soares hateten, atividade nee hanesan kampanha servisu operasional prevensaun seguransa rodoviaria nian atu eduka nafatin komunidade sira iha kapital Dili.
“Tuir orientasaun Ministru Interior nian, ohin ita hamutuk ho PNTL no DNTT halo sensibilizasaun no-mos simulasaun konjunta ho nia objetivu maka atu halo prevensaun ba asidente tráfiku no dezenvolve kampaña seguransa rodoviária nunee bele eduka nafatin motorista sira hodi respeita leis tránzitu,” nia esplika.
Nia hatutan, atividade ohin nee foka liu ba transporte publiku no privadu sira neebe halo movimentu atu respeita sinais sonoru.
“Agora ohin nee ita halo deit sosializasaun ba utilizasaun sinais sonoru, funsaun prinsipal hosi sinais tranzitu sonoru maka atu fo alerta ba motorista sira neebe lori transporte atu hamenus velosidade no atensaun ba ema lao ain sira neebe hakat liu pasadeira,” hatutan.
Tuir nia, sinais tranzitu sonoru neebe monta iha estrada publiku nee hanesan semaforu ba ema lao ain sira, tanba nee nia husu motorista sira atu respeita sinais ida nee.
“Sinais nee ho nia kor rua deit maka kor mean regula proibisaun ba motorista sira atu para no kor verde (matak) permisaun ba ema lao ain sira atu hakat liu ba Estrada sorin. Tanba nee wainhira ema lao ain sira atu hakat liu pasadeira sira iha obrigasaun atu alerta sinais sonoru neebe koloka iha via publika hodi fo biban ba motorista sira halai neneik no para hodi garante kondisaun seguransa hafoin bele hakat liu ba Estrada sorin” tenik tan.
Elder hatutan, ekipa konjunta halo mos operasaun ba kareta sira neebe viola kodigu Estrada tanba balu pasadeira nia leten, balu para taka dalan ba fatin hein kareta nian no balu para dobru neebe sai kauza principal hodi rezulta engarafamentu no asidente iha kapital Díli.
Nunee seluk Xefe Departamentu Seguransa Rodaviária DNTT, João Eujenio da Silva deklara, sinais sonoru nee, dadaun lima mak DNTT instala ona no ba oin sei aumenta tan sinais ne’e iha fatin haat, nunee bele redus numeruasidente.
“Sinais sonoru nee tinan nee ita sei instala tan iha fatin haat mak hanesan 30 Agostu Komoro, Estadiu Munsipál, DNTT nia edifísu oin no iha area Taibesi. Agora iha lima mak instala ona mak hanesan iha area Kakoli , Obirgado Barak, Fatuhada, Palasiu Governu, Alola Funadasaun,” nia afirma.
(jen)
