DILI, STLTIMORLESTE.com – Timor Leste (TL) rai bokur no iha pontensial para ba produtu lokal sira, tanba nee tenke atensaun ba setor agrikultura hodi hasae produsaun.
Deputadu Bankada FRETILIN, Oscar Lima hatete, atu haree ba produtu rai laran Timor iha produtu barak, daudaun nee Kamara Komersiu mos iha hanoin tau prioridade ba setor agrikultura.
“Prioridade ba agrikultura, neebe governu presiza iha kooperasaun diak ho Kamara Komersiu nunee hasae produsaun rai laran, redus importasaun, tanba ita depende liu ba importasaun”, hatete Deputadu Oscar Lima ba STL iha PN, Dili, Sesta (10/01/2025).
Nia dehan, maske nunee presiza iha lukru, tanba setor agrikultura nee área luan, maibe espera katak sira sei la kolia deit, maibe sei tau iha implementasaun, nunee benefisia ba povu.
Nia mos fiar katak governu sei koopera ho Kamara Komersiu oinsa hasae produsaun rai laran, tanba Timor iha pontensial boot ba produtu aleinde Kafe, iha mos hudi, batar, hare, fehuk no seluk tan, liu-liu mos ikan. Ida nee mak tau prioridade loke industria iha rai laran, benefisiu nee ba Timor.
(gui)
