DILI, STLTIMORLESTE.com – Profesores neebe mak hanorin estusantes iha Pre-eskolar Moris Foun I, sira uza maneira hanorin para estudantes sira bele toman lalais profesores.
Haktuir Koordenadora Pre-eskolar Moris Foun I, Domingas Beatriz da Cunha ba STL iha nia knaar fatin, Segunda nee (24/08/2026).
“Hau hanoin konaba ami nian prosesu ensinu aprendizajen nee lao hanesan baibain tuir duni husi edukasaun nian, tanba nee ami nian aprendizajen lao ho diak tebes, tanba agora ami tama ona iha terseiru periodu, ami nian atividades nee lao diak hela. Ami nian atividades aprendizajen lao diak hanesan baibain,” nia informa.
Nia dehan, cento seiscenta quatro estudantes neebe sira fahe ba turnu rua, dader no meudia, agora sira iha tan eskola cafe, agora uza fali sira nian eskola nee provizoriu, tanba sira nian eskola iha faze reabilitasaun nia laran, nee duni sira uza sala rua no estudantes husi eskola ida nee mos uza sala rua.
“Ami nian estudantes sira nee sai meudia, labarik sira nee balun mai ho tinan tolu, maibe agora ami simu deit labarik tinan haat, nee sira eskola durante tinan rua, sira neebe tinan lima nee eskola iha nee tinan ida, labarik sira mai primeiru nee hasoru ema foun, ambiente foun. Hau ho profesores nain tolu ami nain haat, oinsa labarik sira bele toman lalais ita nian profesmsor sira,” tenik nia.
Nia dehan, nee duni profesores sira mak tenke uza fali maneira oi-oin para labarik sira nee bele toman ho profesores sira, balun sira nia inan aman mak dader lori sira mai iha eskola no hein iha eskola.
(jac)
