DILI, STLTIMORLESTE.com – Projetu bee moos 3 iha Munisipiu Ermera finaliza ona, no benefisia direta ba povu hamutuk uma kain 500 resin.
Prezidente Autoridade Munisipiu (PAM) Ermera, José Soares katak, iha tinan 2024, iha projetu bee moos fatin 3, ida iha Atsabe, ida iha Letefoho no ida iha Ermera, projetu 3 nee finaliza hotu ona husi UNDP nian, neebé kontratu foin halo preparasaun atu asina iha Suku Dukurai.
“Husi projetu bee moos née Atsabe benefisia bá Uma Kain 200 resin, iha Letefoho benefisia bá Uma kain 100 resin, nunee mos iha Ermera benefisia bá Uma Kain 100 resin, maibe konta bá ema total husi ema 7 mil habitantes”, informa PAM Ermera, José Soares ba STL liu husi telephone, Kinta (19/12/2024).
Nia dehan, laos nee deit, maibe seluk Kona-ba estrada, ida iha Atsabe, inaugura ona, ida PNDS nian mak sei iha prosesu.
Enkuantu estrada balu seluk agora seidauk finaliza, maibe sira balu atinji ona 75%, balu atinji ona 90%, garante katak fim de Dezembru projetu sira nee remata ona. Nunee mos estrada 2, 2023 iha Suku Katrai Kraik hotu ona.
Maibe kona-ba ponte laiha, iha mos kiik finaliza ona, nunee mos estrada PNDS nian, iha Suku Riheu inaugura ona, no bá fali iha Umboe mos preparasaun bá inaugura, tanba hotu ona atu inaugura iha dia 17 Dezembru, maibe tanba okupadu hela ho formasaun balu, neebé hein dia 20 Dezembru ba leten.
Nia afirma, kona-ba programa PNDS mos lao diak, konstrusaun bá eskola 2, ida iha Hatulia, ida iha Ermera Ramehei, hotu ona, no konstrusaun ba edifisiu kadastrais atinji ona 80% resin. Iha mos projetu irigasaun iha Samara mos remata no entrega hotu ona. Tanba née projetu iha Ermera 4 mak seidauk, maibe parese Janeiru ka Februari bele hotu ona, hanesan Merkadu iha Dokorai, Letefoho Vila, Postu Saude ida iha Katrai Leten, no mos estrada ida iha Rai Laku.
(gui)
