DILI, STLTIMORLESTE.com – Komandante Sentru Formasaun Polisia (SFP), Superintendente Xefe Polísia, Arquimino Ramos hatete, abertura ba rekrutamentu membru Polisia Nasional Timor Leste (PNTL) foun hein despaisu husi Ministu Interior (MI).
“Presiza diploma ministerial para abertura konkursu rekrutamentu ba membru PNTL foun. Maibe bainhira atu hasai diploma nee kompetensia MI nian,” hatete Komamdante Polisia no Formasaun Superintendente Xefe Polisia Arquimino Ramos ba Jornalista sira iha Palasiu Governu, Sesta (07/2/2025).
Nia esplika, kona-ba kriteriu rekrutamentu Komando Polisia Formasaun antes nee enkamina ona ba iha Komandante Jeral PNTL no Komandante Jeral mak iha kompetensia hodi submete ba Ministru Interior.
“Hafoin rezolusaun Govenu hau seidauk bele fo sai.. Maibe kriteria sira nee ami aprezenta ona ba Komandante Jeral PNTL, depois sei hatutan ba Ministru Interior hodi hasai diploma ida depois mak kontinua ba rekrutamentu,” nia deklara.
Nia infroma, lakohi komentariu klean kona-ba kriteriu rekrutamentu membru PNTL nian, tanba hein diploma ministerial.
“Kriteriu rekrutamentu ita aprezenta hotu ona, Komandante Jeral hein husi parte Ministeriu Interior hasai diploma mak ita koalia. Hau labele koalia lai, tanba orsida ita koalia mak diploma ministerial nee sai koalia buat seluk , entaun nee susar ba ita atu esplika, diak liu ita hein diploma ministerial sai tiha mak ita foin koalia,” nia deklara.
Entretantu rekorda fali katak, horiseik Konselhu Ministru aprova ona proposta rekrutamentu ba membru PNTL foun no promsaun deviza ba membru PNTL sira. Membru PNTL neebe mak Governu liu husi Komando Jeral PNTL atu rekruta mak ba hamutuk nain 500 kompostu husi ajente nain 400 no ofisial nain 100.
(jen)
