DILI, STLTIMORLESTE.com – Rekrutamentu bolsa kandidatu profesores ba Nivel Ensinu Sekundariu Jeral no Ensinu Tekniku Vokasional iha ona faze verifikasaun, neebe sei remata iha semana ida nee nian laran.
Haktuir Diretor Nasional Rekursu Umanus Ministeriu Edukasaun, João Amaral ba jornalista STL iha nia knaar fatin Vila Verde, Kuarta nee (23/04/2025).
“Iha prosesu verifikasaun nian laran, maibe iha semana ida nee nian laran sei remata, pur volta 1000 resin mak aplika vaga ida nee, maibe ami seidauk bele fo sai hira mak bele pasa, tanba agora daudaun ami sei iha faze verifikasaun nian laran, bainhira remata verifikasaun ba dokumentus aplikantes sira nee hotu ami bele fo sai ba publiku,” katak nia.
João dehan, kona-ba teste nee tuir kalendariu tentativa uluk nee komesa iha 8 Maiu tinan nee, nee foin halo teste ba aplikantes sira, numeru aplikantes neebe ohin mensiona nee, nee rekrutamentu ba Nibel Ensinu Sekundariu Jeral no Ensinu Tekniku Vokasional, vaga nee rasik agora daudaun taka tiha ona.
(jac)
