DILI, STLTIMORLESTE.com – Bankada FRETILIN iha uma fukun Parlamentu Nasional deklara, tinan ida resin ona Sekretariu Estadu ba Asuntu Topinomia no Organizasaun Urbana (SEATOU) ho vendedores hafuhu malu hanesan busa ho laho, tanba seidauk iha kondisaun neebe dignu ba vendedores sira.
“SEATOU ho vendedores ambulante sira nee hafuhu malu hanesan busa ho laho atu besik tinan ida ona, maibe la iha solusaun ida neebe diak atu responde ba ita nia vendedores sira nee,” hatete Deputadu Bankada FRETILIN, Antonio Moniz Clau liu husi plenaria PN, Tersa (03/12/2024).
Nia hatutan, SEATOU ho vendedores ambulante sira kontinua faan sasan iha estrada ninin, tanba governu seidauk kria kondisaun neebe dignu ba vendedores iha merkadu Taibesi no Manleuana.
Tanba tuir nia, lo-loos nee governu prepara uluk kondisoens iha merkadu rua nee antes muda obrigatoriu, populasaun sira ba merkadu rua nee, lae ba oin sei la iha solusaun ba problema neebe iha.
“Ami haree katak SEATOU ho ekipa ba hein ita nia vendedores sira nee to 20:00 OTL kalan, Sekretariu Estadu ida mak nia jestaun hanesan nee, hau hanoin presiza atu hadia nunee bele vendedores ambulante sira presiza hetan fatin neebe diak no dignu nunee sira bele buka sira moris ho hakmatek,” tenik nia.
(alb)
