DILI, STLTIMORLESTE.com – Eskola Sekundariu Nobel da Paz sei fo sai rezultadu ezame nasional ba estudantes sira iha loron Segunda.
Asuntu nee hatoo husi Diretor Eskola Sekundariu Nobel da Paz, Jeremias P. de Jesus ba STL, Sabadu (14/12/2024).
“Ohin ami seidauk fo sai rezultadu ezame nasional ba ita nian estudante sira, tanba ohin mak ami sei ba foti rezultadu ezame nee iha edukasaun munisipal, depois lori mai ami sei prepara amplop neebe atu fahe ba ita nian estudantes sira, nee duni ohin ami seidauk bele fo sai rezultadu ida nee ba ita nian estudantes sira, Segunda mak ita foin fo sai.
Jeremias hatete, pasa ou la pasa nee depende husi estudantes idak-idak nian esforsu aan durante nee, tanba nee sira nian valor husi ezame primeiru, segundu no ezame nasiohal mak sei desidi sira pasa ou lae.
Nunee mos Diretor EBC Manleuana, Carlos Corrreia afitma, agora foin atu ba foti rezultadu iha Edukasaun Munisipal, se ohin la fo sai rezultadu, nee Segunda mak foin fo sai, maibe orsida ba mak rona orientasaun husi edukasaun, tanba rezultadu eskola hotu fo sai dala ida deit, maibe komparasaun tinan nee ho tinan kotuk, tinan nee numeru neebe la pasa nee oituan deit, nee rezultadu neebe horiseik ME fo sai ona.
(jac)
