DILI, STLTIMORLESTE.com – Ohin Segunda Estudantes husi Ensinu Baziku Central (EBC) Manleuana, depois de feriadu semana rua, ohin hahu tama ona eskola no sei fahe kaderneta ba estudantes sira.
Haktuir Diretor Ensinu Baziku Central (EBC), Manleuana, Carlos Correia ba STL iha nia knaar fatin, Segunda nee (27/04/2026).
“Depois de feriadu semana rua, ohin ami nian estudantes sira hahu tama fali eskola, hodi partisipa iha prosesu ensinu aprendizajen lao hanesan bai-bain, loolos atu fahe ona kaderneta ba estudantes sira, maibe tanba ami nian Profesor balun seidauk priense hotu, tanba ba setimo ano nee rigor uituan, nee duni haree didiak, depois mak hau sei Marka tempu fahe kaderneta ba ami nian estudantes sira,” nia esplika.
Carlos hatete, razaun seidauk fahe kaderneta, tanba sei priense hela estudantes sira nian naran iha kaderneta, nee ba estudantes setimo ano nomos primeiru ano, valor iha hotu ona, tanba nee sei husu adjuntu no Professor turma sira.
“Ohin nee ami nian estudantes sira tama, ami nian profesores sira hahu kedas prosesu aprendizajen ba ami nian estudantes sira, tanba bainhira remata ezame primeiru periodu ninia, ami nian estudantes sira feriadu, ohin foin tama fali eskola,” nia komenta.
Nia akresenta, molok eskola atu fahe kaderneta,primeiru sei konfirma ho professores sira ba ha preparasaun fahe kaderneta ninia nee ba estudantes sira, ohin loron primeiru estudantes sira tama fali eskola,prezensa estudantes sira nian maximu.
Iha fatin seluk, Kordenador EBF no 5 Comoro, Marcelino Moniz dehan, profesores sira priense hotu valor nee, bele fahe kaderneta nee ba estudantes sira, tanba valor avaliasaun ninia nee professores sira presiza iha kaderneta eskolar.
“Ita nian profesores sira priense hotu valor nee,bele fahe kaderneta nee ba estudantes sira, tanba valor avaliasaun ninia nee professores sira presiza iha kaderneta eskolar, nee duni ita presiza haree ida nee,” nia dehan.
(jac)
