DILI, STLTIMORLESTE.com – Servisu Rejistu no Verifikasaun Emprezarial (SERVE, I.P) lansa sistema rejistu baze de dadus emprezarial.
Diretor Ezekutivu SERVE IP, Fausto Soares Dias hatete, atu jere nia prosesu rejistu no dadus emprezariu iha Timor Leste, tinan barak nia laran SERVE enfrenta dezafiu boot kona-ba baze de dadus uza metodu manual deit, nunee limite tebes kapasidade atu servi empregadores ho negosiante sira ho forma efisiente transparante, tanba nee jenerozu apoiu husi Governu Australia liu husi programa posivu bele rezolve.
Tanba nee, ho sistema nee bele detekta katak kompanhia nasional iha hira nomos internasional hira mak rejistu iha TL, hatene husi sistema nee, hatama dadus bele deskobre ema nee mai husi nasaun neebe.
“Ohin loron marka ita boot sira nia prezensa hodi lansa sistema rejistu baze de dadus emprezarial sira neebe rejistu iha TL, sistema nee mos sai hanesan simbolu ba SERVE nia kompromisu atu moderniza no suplifika servisu publiku,” hatete Fausto Soares liu husi diskursu, iha ambitu lansa sistema rejistu baze de dadus Emprezarial iha Kaikoli, Dili, Segunda nee (16/12/2024).
Nia dehan, sistema ida nee permite SERVE atu iha dadus sentralizadu no fasilita funsionariu sira halo busta, wainhira emprezariu sira presiza asesu sira nia dokumentus arkivu no fornese atualizasaun iha tempu real ba kliente inklui empregadores reguladores Ministeriu para sektoral ajensia sira.
“Nunee mos haforsa ami nia kapasidade atu promove no dezenvolve setor privadu iha TL, ho kompromisu Ida neebe diak ita mantein, ida neebe ladiak buka hadia no ida neebe seidauk iha ita buka atu implementa,” hatete Fausto.
(joa)
