DILI, STLTIMORLESTE.com – Ministru Justisa, Sergio Hornai hatete, daudaun nee iha ona sistema kadastrais no levantamentu husi parte leste komesa lao ona.
Ministru Justisa Sergio Hornai hatoo kestaun ba jornalista sira bainhira remata halo enkontru ho Prezidente Republika Jose Ramos Horta iha Palasiu Prezidensia Republika Nikolao Lobato, Bairo Pite, Segunda nee (12/05/2025).
Ministru Justisa hatete, daudaun nee sistema kadastrais iha ona no parte leste hahu lao ona iha tinan ida nee no Governu buka esforsu atu bele hatan ba provolta quinentus parselas.
“Ita iha ona sistema kadastrais neebe ita boot sira akompanha prosesu sira lao dadauk ita halo dadauk levantamentu sira husi parte leste komesa lao tinan ida nee ita buka esforsu atu bele hatan provolta 500 parselas ba tinan ida nee, ita iha parte leste porvolta de 200 ital parselas maske ita konklui ekipa halo hela servisu para atu bele konklui nia prosesu administrativus sira hodi nunee sujeita ba iha provolidade ba iha tribusaun titlu konforme ita nia lei numeru 13/2017 haruka,” katak MJ.
Nia hatete, ekipa halo hela servisu nunee mos sei halo iha RAEOA, tanba RAEOA Enklave ida importante sira iha porvolta três mil oitocentos e vinte quatro parselas neebe halo hela serbisu makaas.
Ekipa teknika halo hela servisu oinsa mak ita atu atribui husi total porvolta de trezentos vinte quatro mil cento e onze parselas neebe neste momentu iha sei halo re verifikasaun bai ha personalidade sira neebe iha hela posse ba rai nee rejistu hela ba rai ida nee sei buka ekipa tekniku sira sei buka esforsu para bele hatan dadaun buat balun.
“Nee atu hatete katak ita labele hatan deit iha parselas sira ho kunatidade boot ida hanesan nee iha tinan badak maibe sei buka esforsu atu bele konklui iha mandatu nunu Governu Konstitusional nia ba too iha 2028 maijumenus halo netik buat ruma.
(eme)
